Serok Bafil: Binpêkirina mafên rojnamevanan hereşeyek rastî ye bo navûdengê Herêmê

PUKMEDIA

Serok Bafil

Serokê Yekîtiya Niştimanî ya Kurdistanê Bafil Celal Talebanî bi boneya roja Çapemeniya Kurdî û derketina yekemîn rojnameya Kurdî di 22.4.1898ê de peyameke pîrozbahiyê belav kir û tê de piştevaniya Yekîtiya Niştimanî ya ji bo Rojnamegeran azadiya karê rojnamevaniyê dupat kir.

Nivîsa pîrozbahiyê ya Serok Bafil Celal Talebanî wiha ye:
Roja Çapemeniya Kurdî li hemû rojnamevan û xebatkarên medyaya Kurdistanê pîroz dikim. Em spasiyên xwe pêşkêşî hemû pênûsên têkoşer dikin ku di dema borî de ji bo pêşdebirina proseya rojnamevaniyê û bilindkirina hişyariya civakê xebitîn.

Yekîtiya Niştimanî ya Kurdistanê baweriyeke tund bi azadiya karê rojnamevanî û mafê wergirtina zanyariyan heye û bi tevahî li hember sînordarkirina azadiyan û binpêkirina mafên rojnamevanan radiweste û ev yek weke metirsiyeke cidî li ser demokrasî û navûdengê Kurdistanê dibîne, mixabin di heyama dawî de Herêm rastî rexneyên tund hat, ji ber ku bûyerên wiha diqewimin.

Berê em her tim alîkarî û piştgirî bûn ji rojnamevanan re, me jîngeheke azad dabîn kir û me bang li rojnamevanan kir ku wêrek bin û bi azadî me rexne bikin, ji ber ku em bi rexneyê mezin dibin û xwe dinirxînin. Di pêşerojê de jî em ê bi heman ruhî berdewam bikin û bibin parêzvanên mafên rojnamegeran.


PUKMEDIA