50 Sal bi ser bombebarankirina Qeledizê û Zanîngeha Silêmanî re derbas bû

PUKMEDIA

Qeledizê

Îro 50 sal ji bombebarankirina bajarê Qeladizê ji aliyê rêjîma Beis ve di sala 1974an de derbas dibe, ku di encamê de çend welatî û xwendekarên zanîngeha Silêmaniyê şehîd û birîndar bûn.

Beriya 50 salan rêjîma Beisê bi bomberankirina zanîngeha Qeladizê û Silêmaniyê 163 kes şehîd bûn ku 9 ji wan xwendekarên zanîngehê bûn û nêzîkî 300 kes jî birîndar bûn.

Di sala 1982’an de, di bîranîna 24-4’an de, gelê berxwedêr yê Qeladizê li dijî rêjîma Beisê serî hilda û aliya rêjîmê bi guleyan bersiv dan û di encamê de 2 kesên bi navê Xwişk Snewber û Dayika Amîne şehîd bûn û 5 kes jî birîndar bûn.
Li Pişderê ya ser bi devera Raperînê, di hemû salekê wek roja îro de merasîma bîranîna salvegera bombebarankirina rêjîma Beis tê li darxistin û ew komkujî tê şermezar kirin.

Her weha di demjimêr 9.45 deqe de danê sibê ji aliyê firokeyên cengî yên rêjîma Êraqê a hilweşayî ve bombekirineke kîmyawî bi çekên napalim ku çekeke qedexekirî ye li ser gelê kurd li hundir bajarê Qeledizê pêkhat.

Her weha ew lêdana Napalmê li piraniya sazî û cihên girîng ên xizmetgûzarî û sivîl ku di nava bajarê Qeledizê ku li ser serokatiya Zanîngeha Silêmaniyê û beşên navxwe ên xwendekarên zanîngehê û nexweşxaneya Qeledizê hatibû kirin.

Ew êrişa hovena ya rêjîma Sedamê xwînmij ku bi armanca valakirina navçeyê bi giştî ji gelê kurd di heman êrişê de 27 malên sivîlan û 40 firoşgehên sivîlan kirin armanc. di encamê de komkujiyeke metirsîdar çê bû ku 162 welatiyan jiyana xwe ji dest dan û 300 welatî jî ku piraniya wan zarok û kal û pîr bûn  jî bi giranî birîndar bûn.

PUKMEDIA