Du şandên Herêma Kurdistanê û Iraqê dê serdana Kormorê bikin

Arşîv

Ramak Ramazan

Du şandên Herêma Kurdistanê û Iraqê ji bo lêkolîn û nirxandina ziyanên êrişa terorîstî dê serdana kêlgeha xaza Kormorê bikin. Qaymeqamê Çemçemalê da zanîn “Tu kesî berpirsyariya êrîşê negirtiye ser xwe û lêkolîn berdewam dikin.’’

Qaymeqamê navçeya Çemçemal Ramak Ramazan ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Şandeke hevbeş a wezaretên samanên xwezayî û elektrîkê yên hikûmeta Herêma Kurdistanê dê danê êvarê serdana cihê bûyerê bike û raporta xwe derbarê êrişa firokeyên bê firokevan li ser kêlgeha gaza Kormorê amade bike.’’

Ramazan got: "Armanca şanda Herêma Kurdistanê ew e ku karmend û kompaniyên zeviyê dilniya bike û her wiha biryarê bide ku heta çi radeyê berhemanîna gazê rawestînin û kengê careke din dest bi berhemanîna gazê bikin."

Qaymeqamê Çemçemal got:“Lêpirsîna bûyerê berdewam dike û ti kesî berpirsatiya wê kiryara terorîstî negirtiye ser xwe.’’

PUKMEDIA