Amadekariyên me ji bo hilbijartina berdewam in

PUKMEDIA

Cumana Gelayî

Berdevkê Komîsyona Bilind a Serbixwe ya Hilbijartinan a Iraqê ragihand:“Hemû gotegotên ku dibêjin komîsyonê amadekariyên xwe ji bo hilbijartinên parlamentoya Kurdistanê rawestandiye ne rast in û em amadekariyên xwe berdewam dikin.’’

Berdevka Komisyona Bilind a Serbixwe ya Hilbijartinan a Iraqê Cumana Gelayî ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Amadekariyên me yên ji bo civîna şeşemîn a hilbijartinên parlamentoya Kurdistanê berdewam in û hemû gotegotên derbarê rawestandina amadekariyên komîsyonê ji bo hilbijartinên parlamentoya Kurdistanê ne rast in.’’

"Weke dema borî, komîsyon amadekariyên xwe berdewam dike û parve kirina  kartên dengdanê li navendên me yên dengdanê li Herêma Kurdistanê berdewam e û li 173 navendên tomarkirina tomaran li Herêma Kurdistanê jî karê parve kirina  kartên biyometrî berdewam dike û komîsyonê dest ji karê xwe bernade." got.

Li gor zanyariyên PUKMEDÎAyê, heftiya borî li Iraqê 52 hezar û 109 kartên biyometrîk ji bo dengderan hatine dayîn, ji wan 37 hezar û 373 kartên Herêma Kurdistanê ne, ji wan 15 hezar û 758 kartên biyometrîk ji bo dengderên Silêmaniyê hatine dayîn.

Li gor biryara Serokatiya Herêma Kurdistanê, şeşemîn rûniştina hilbijartinên Parlamentoya Herêma Kurdistanê roja 10ê Hezîranê tê lidarxistin.Yekîtiya Niştimanî ya Kurdistanê (YNK) û partiyên din ên Kurdistanî ji bilî Partiya Demokrata Kurdistanê (PDK) amadebûna xwe ji bo hilbijartinên Parlamentoya Kurdistanê di wê rojê de ragihandine.

PUKMEDIA