Serok Bafil li Washington: Em ber bi herêmek demokrattir ve diçin

Nivîsgeha Ragihandinê ya Serokê YNKê

Serokê YNKê Bafil Celal Talebanî û Alîkarê Wezîrê Derve yê Amerîka Barbara Leaf

Serokê Yekîtiya Niştimanî ya Kurdistanê (YNK) Bafil Celal Talebanî li Washingtonê li Wezareta Derve ya Amerîkayê ligel Alîkara Wezîrê Derve yê Amerîkayê bo karûbarên Rojhilata Navîn Barbara Leaf civiya.
Di civînê de ku, Berpirsê Buroya Têkiliyên DerveYNKê  Derbaz Kosret Resûl amade bû, dawî pêşhatên siyasî yên li Herêma Kurdistanê, Iraq û navçeyê hatin gotûbêjkirin.Her wiha li ser mijarên hilbijartinan, rewşa navxwe ya Herêma Kurdistanê û pirsgirêkên navbera Hewlêr û Bexdayê gotûbêj kirin.

Serok Bafil Celal Talebanî got ku divê hilbijartin di dema xwe de bên kirin û bersivê bidin daxwazên gel, demokrasiyê bigihînin asteke bilind û guhertinan di proseya rêveberiyê de pêk bînin.

Li ser pirsên di navbera Hewlêr û Bexdayê de, her du alî li ser bidawîkirina nakokiyan, çareserkirina pirsgirêkan li ser bingeha destûrê û şopandina şirîkatiyeke rasteqîne di birêvebirina welat de li hev kirin.
Serok Bafil Celal Talebanî siyaset û stratejiya YNKê li ser hemû hevkêşeyan şirove kir û got ku YNK dê li ser hewlên xwe yên xizmetkirina xelkê û parastina aramiya navçeyê berdewam be. Bi vê mebestê em tekezî li ser berdewamiya diyaloga avaker û ber bi herêmeke pêşketîtir û demokratîktir dikin.

Xurtkirin û pêşxistina peywendiyên di navbera her du aliyan mijareke dinê vê hevdîtinê bû û berfirehkirina hevkarî û hemahengiyê dupat kir.

PUKMEDIA