Talebanî: Ez spasiya hewlên balyozê Spanyayê dikim

Buroya Çapemeniyê ya Qubad Talebanî

Birêzan Qubad Talebanî û Pedro Martinez

Balyozê Îspanya yê li Iraqê Pedro Martinez bi boneya bidawîhatina erka xwe serdana Cîgirê Serokwezîr Qubad Talebanî kir.

Cîgirê  Serokwezîr Qubad Talebanî ragihand bi Balyozê Spanyayê li Iraqê Pedro Martinez li Iraqê:’’Dema ku Pedro Martinez di sala 1987’an de tevlî Sefaretxaneya Spanyayê ya li Iraqê bû, hay ji pirsgirêka Kurd û zilm û perîşaniya ku li ser Kurdan tê meşandin hebû û ji wê demê ve dost û sempatîzanê gelê Kurd e.’’
Talebanî her wiha got: “Di van salên dawî de dema ku wek balyozê welatê xwe li Iraqê kar dikir, bi berdewamî hewl da ku nêrînên aliyên siyasî ji hev nêzîk bike û gelek bi xem bû ku pêwendiyên Herêma Kurdistanê û Spanyayê di warên cuda de bihêztir bike.”

Her wiha got: “Îro bi helkefta bidawîhatina erkê xwe li Iraqê, ji bo xatirxwestinê serdana me kir, min spasiya hemû hewl û alîkariyên wî yên di heyama erka wî de kir û hêviya serkeftinê di erkê wî  yê pêşerojê de xwest.

PUKMEDIA