YNKê daxwaza qerebûkirina qurbaniyên bazara Qeyser a Hewlêrê dike

Kurdistan 02:13 PM - 2024-05-10

Logoya YNKê

Fraksiyona Yekîtiya Niştimanî ya Kurdistanê (YNK) beşdarî kampanya komkirina îmzeyan bo qerebûkirina ziyanên şewata bazara Qeyser a Hewlêrê dibe û ragihand: “Parlamenterên YNKê dê beşdarî komkirina îmzeyan bo qerebûkirina qurbaniyên şewata bazara Langa ya Hewlêrê bibin.’’

Fraksiyona YNKê her tim parastina mafên gel kiriye

Parlamentera Fraksiyona Yekîtiya Niştimanî ya Kurdistanê (YNK) li Parlamentoya Iraqê Bedriya Husên ji malpera fermî ya YNKê re ragihand:“Li ser bingehê desthilatên parlamenteran, wek nûnerên welatiyan, piştî bûyera diltezîn a li bazara Qeyser a Hewlêrê, ku ziyaneke mezin gihandiye dukandar û bazirganan, îro pêncşemê 9-5-2024, endamên Fraksiyona YNKê yên Hewlêrê li Parlamentoya Iraqê ji bo lêkolînkirin û eşkerekirina rastiyên bûyera bazara Qeyserî ya Hewlêrê û her wiha qerebûkirina qurbaniyên bûyerê beşdarî kampanyaya îmzeyan a avakirina komîte bûn."

YNKê dosyeya qurbaniyên bazara Langa ya Hewlêrê amade kiriye

Nûnerên YNK'ê yên di hikûmetê û Meclîsa Nûneran de her  tiştek bikin  ji bo xizmetkirina welatiyan dudilî nabin û di vê derbarê de jî daxwaza qerebûkirina qurbaniyên bazara Hewlêrê ji hikûmeta Iraqê dikin.

Pêştir Cîgirê Serokê Fraksiyona YNKê li Civata Nûneran Kerîm Mela Şukur ji malpera fermî ya YNKê PUKMEDIA re gotibû: “Fraksiyona me bi fermî daxwaza qerebûkirina ziyanên şewata bazara Langa ya Hewlêrê ji hikûmeta Iraqê kiriye û lîsta mexdûrên şewatê hatine amadekirin , nav û qebareya darayî ya ziyanan, ji bo qerebûkirina wan ji bûdceya karesatên xwezayî li Iraqê, radestî serokwezîrê Iraqê Mihemed Şîa Sûdanî hatiye kirin.

Li hinek cihan gelek caran şewat derketiye

Şewata bazara Qeyser a Hewlêrê, di 5 mehên borî de hejmara şewatên li parêzgehê giheştiye 330 şewatan, ku piraniya wan ziyan gihîştiye bazirganan, ji wan 4 şewatên mezin li bazarên Hewlêrê yek ji wan cihên ku çendîn caran agir lê ketiye, Langa ye û  bazara Hewlêrê, ku îsal du caran şewat derketiye.

Li gorî madeyeke bûdceya Iraqê, 500 milyar dînar ji rezerva awarte bo xerciyên din ên Wezareta Darayî hatiye terxankirin, ku dê ji bo qerebûkirina beşek ji qurbaniyên karesatên xwezayî li Iraqê hatiye terxankirin.

PUKMEDIA