Emê bibin alîkar ku peywendiyên Kurdistanê û Iraqê bihêztir bibin

Buroya Ragihandinê ya Serokomariyê

Civîna Serokomariyê

Îro danê êvarê Serokomarê Iraqê Letîf Cemal Reşîd li Hewlêrê ligel Serokê Herêma Kurdistanê Nêçîrvan Barzanî civiya.

Di civînê de ku bi amadebûna Cîgirên Serokê Herema Kurdistanê û hijmareke wezîr û berpirsên Herêma Kurdistanê tê de, rewşa giştî ya welat û pêşhatên Herêma Kurdistanê hate gotûbêjkirin.

Di vê hevdîtinê de li ser rewşa navçeyê gotûbêj hat kirin û tekezî li ser giringiya parastina ewlehî , aramiyê , hevahengiya hewlên ji bo parastina aramî û pêşhatên erênî yên ku li welat qewimîne hat kirin.
Her wiha peywendiyên di navbera hikûmeta federal û hikûmeta Herêma Kurdistanê de hatin gotûbêjkirin û tekez li ser yekxistina rêkeftinan û çareserkirina pirsgirêkan bi temamî kirin.

Serokkomar her wiha tekezî li ser giringiya diyaloga berdewam kir ji bo derbaskirina pirsgirêkan û dabînkirina jiyaneke minasib ji bo welatiyan li hemû navçeyên welat û dê bibe alîkar ku peywendiyên di navbera hikûmeta federal û hikûmeta Herêma Kurdistanê de bihêztir bibin û pirsa bûdce û mafên darayî bi temamî çareser bibin,her wiha  arîşeyên li pêşiya cotkaran û wergirtina berhemên genim ji hikûmeta Iraqê kar tê kirin.

Got jî ku ew giringî bi xurtkirina peywendiyên di navbera Iraq û Herêma Kurdistanê li gel welatên cîran, navçe û cîhanê dide.

Ji aliyê xwe ve, Serokê Herêma Kurdistanê amaje bi hewlên berdewam yên ji bo pêkanîna zêdetir ewlehî û aramiyê û derbaskirina pirsgirêkên di navbera hikûmeta federal û hikûmeta Herêma Kurdistanê de kir, Herêma Kurdistanê dê ligel Îranê be.

PUKMEDIA