YNK hertim piştgirya daxwazên rewa yên mamostayan dike

PUKMEDIA

Logoya Yekîtiya Niştimanî ya Kurdistanê

Mekteba siyasî ya Yekîtiya Niştimanî ya Kurdistanê (YNK) bi helkefta 63 saliya damezrandina Yekîtiya Mamostayên Kurdistanê peyameke pîrozbayî pêşkêşî serok û sekreteriya Yekîtiya Mamostayên Kurdistanê kir û ragihand:’’Yekîtiya Niştimanî ya Kurdistanê (YNK) geşepêdana xwendin û zanistê bi parastina rûmet û jiyaneke serbilind a mamostayan ve girêdide, ji ber wê jî herdem piştgiriya  hemû daxwazên rewa yên mamostayan dike, nemaze di pêşvebirin, vegerandina debar û jiyaneke minasib bo serkirdeyên xwendin û perwerdeyê li welatê me.’’

Nivîsa peyamê

Bi helkefta şêst û sêyemîn salvegera damezrandina Yekîtiya Mamostayên Kurdistanê, em pîrozbahiyê li Serok, Sekreteriyat û hemû mamostayên Kurdistanê dikin.

Yekîtiya Mamostayên Kurdistanê di dîroka têkoşîna xwe ya neteweyî , pîşeyî de rolek mezin lîstiye û bi dehan mamoste di qada rizgariya Kurdistanê de canê xwe feda kirine.Di tekoşîna pîşeyî ji bo bidestxistina mafên mamosteyan û perwerde û zanistiya nûjen di rêza herî pêş de bûye.

Yekîtiya Niştimanî ya Kurdistanê (YNK) geşepêdan , pêşkeftina xwendin , zanistê bi parastina rûmet û jiyaneke serbilind a mamostayan ve girêdide, ji ber wê jî hertim piştegiriya  hemû daxwazên rewa yên mamostayan dike,nemaze di pêşvebirin, vegerandina debar û jiyaneke minasib bo serkirdeyên xwendin û perwerdeyê li welatê me de.

Ji ber vê yekê em silavên xwe ji wan mamosteyan re dişînin ku xizmeta nifşên vî gelî kirine û zimanê Kurdî û perwerdeya netewî parastine.

Mekteba  Siyasî Yekîtiya Niştimanî ya Kurdistanê

PUKMEDIA