Serok Bafil : Bi xwendekar û ciwanên welatê xwe bawer im

Nivîsgeha Ragihandinê ya Serokê YNKê

Serok Bafil û cîgirê rêvebirê bilind yê ofîsa USAID ya Rojhilata Navîn

Serokê Yekîtiya Niştimanî ya Kurdistanê (YNK) Bafil  Celal Talebanî bi Cîgirê Rêveberê Bilind ê ofîsa USAID a Rojhilata Navîn li Washington Andrew Plett re civiya.

Di civînê de ku, Berpirsê Buroya Têkiliyan Derbaz Kosret Resûl jî tê de amade bû, rola ciwanan û navendên perwerde, geşepêdan û rahênanê yên wan hate danûstandin û tekez li ser hemahengî û hevkariya di navbera wan de ji bo avakirina jîngeheke saxlem ji bo perwerdekirina ciwanan û rêberiya wan ji bo pêşerojeke geştir ya civaka Kurd kirin.

Di civînê de Serok Bafil Celal Talebanî balkişand li ser pêgeha ciwanên herêmê wek sermayeyekî niştimanî û got: “Em dixwazin bi projeyek nû xizmeta ciwanan bikin û wan bi rê ve bibin ku bibin sedema pêşketina welatê min ji bo pêşerojeke geştir hewl didin û me soz daye ku em bi heman ruhî li gel wan bin û jîngeheke guncaw ji wan re peyda bikin da ku karînên xwe di warên cuda de bikar bînin.’’

Serok Bafil daxwaz ji Cîgirê Rêveberê Bilind ê ofîsa USAID a Rojhilata Navîn li Washington Andrew Plett kir ku bi projeyek nûjen a berfireh werin herêmê û alîkarîya xwe bigihînin armancên me ji bo bêtir xizmetkirina ciwanan.

PUKMEDIA