Serokkomar pêşwaziya Serokê Filistînê dike

Ofîsa Ragihandinê ya Serokkomar

Birezan Serokomarên Iraq û Filistîn

Îro çarşeme 15.05.2024 li mala xwe ya li Menamê paytexta Behrêynê, cenabê Serokkomar Dr.Ebdulletif Cemal Reşîd pêşwaziya Serokê Dewleta Filistînê birêz Mehmûd Ebas û şanda pê re kir, li kêleka Konferansa Lûtkeya Erebî ya sî û sêyem rûniştina wê ya asayî, li Behrêynê ku hat lidarxistin.

Li hevdîtinê de rewşa niha ya li navçên Filistînê û destdirêjiyên hovane yên li dijî gelê Filistînê û karesatên mirovî yên di vê encamê de hatin gotûbêjkirin û Serokê Iraqê helwêsta tund a piştgiriya  pirsa Filistînê teqez kir û bal kişand ser pêwîstiya rawestandina şer û gihandina bilez ji bo alîkariyên mirovî ji bo xelkê Zîvala Gazayê.

Cenabê Serokkomar bal kişand ser vê yekê ku rewşa Filistînê bandor li tevahiya herêmê kiriye û bal kişand ser girîngiya xurtkirina çalakiyên hevpar û piştgirîkirina têkoşîna gelê Filistînê ji bo bidestxistina mafên xwe yên tam.

Herdu serokan bal kişandin ser vê yekê ku îro meseleya Filistînê li ser xalekê ye, ku pêwîst e civaka navneteweyî û hêzên aktîv di asta herî bilind a berpirsiyariya dîrokî, siyasî û mirovî de kar bikin ji bo dîtina çareseriyên berfireh û dadmend.

Ji aliyê xwe ve, Serok Ebbas pêzanînên hikûmet û gelê Felestînê li hember  helwestên dîrokî yên Iraqê bo piştgiriya  ji doza Felestînê nîşan da û destxweşî li hewlên Iraqê û alîkariya hertimî bo birayên xwe yên filistînî kir.

PUKMEDIA