Encumena Nûneran serokekî nûh hildibjêre

PUKMEDIA

Hola Civîna encumena nûnerên Êraqê

Biryare siba Şemiyê 18-5-2024 Encumena Nûneran lihev bicive û serokekî nûh hilbijêre, endamekî encumena nûneran jî dibêje: Pêşbirk di navbera 2 namzedên sunî de ye.

Dê sibê serokê nû bê hilbijartin

Parlamenterê Fraksiyona Yekîtiya Niştimanî ya Kurdistanê li Parlamentoya Êraqê Xerîb Ehmed ji PUKMEIDA re ragihand: Di civîna roja şemiyê de 3 mijarên gelek girîng dê bên rojevê, ew jî hilbijartina serokekî parlamentoyê û dirêjkirina dema Komîsyona Bilind a Hilbijartinan û sererastkirina yasaya girêdayî lijneya ewqafê ye.

Salim Îsawî û Mehmûd Meşhedanî du hevrikên sunne yên navdar in û pişka serokê parlamentoyê jî bo Sunneyan hatiye diyarkirin.

Encumena Nûneran zêdetirî 6 mehan e bê serokê parlamentoyê ye

Rojî 14-11-2023, Dadgeha Bilind a Êraqê, Serokê Parlamentoyê Mihemed Helbûsî bi tawana sextekirina îmzeya parlamenter Leys Dlêmî ji kar dûrxist û ji wê demê heta niha Sunne nikarin kesekî ji bo wê postê destnîşan bikin.

Roja 13-01-2024, Parlamentoya Êraqê bi amadebûna 314 parlamenteran, bi serokatiya Cîgirê Yekem ê Serokê Parlamentoya Êraqê Mohsin Mendelewî civîna xwe ya ji bo hilbijartina serokê parlamentoyê li dar xist, têde Şuilan Kerîm 152 deng bidest xist û Salim Îsawî jî 97 deng û Mehmûd Meşhedanî jî 48bdeng bi dest xist.

PUKMEDIA