Berdevkê YNK tekezî li ser pêwîstiya lidarxistina hilbijartinan ji bo zêdekirina baweriyê dike

Kurdistan 06:08 PM - 2024-05-19

Seidî Pîre Berdevkê YNK

Berdevkê Yekîtiya Niştimanî ya Kurdistanê ragihand ku Parlamentoya Kurdistanê nûneratiya hêz û biryardariya Herêma Kurdistanê ye û divê hilbijartinên Parlamentoya Kurdistanê ji bo zêdekirina baweriyê li herêmê were kirin û tekezî li ser giringiya rola Serok Mam Celal di hilbijartinan de kir di hemû qonaxên têkoşîna demokrasiyê de.

 Yekîtiya Niştimanî ji bo paşxistina hilbijartinan bi kesî re nacive

 

Berdevkê Yekîtiya Niştimanî ya Kurdistanê Seidî Pîre di kongreyeke rojnamevanî de bi boneya 32 saliya lidarxistina yekem hilbijartinên parlamentoya Kurdistanê, tekezî li ser pêwîstiya lidarxistina hilbijartinên Parlamentoya Kurdistanê kir. Hilbijartin di asta herêmî û navneteweyî de statû û baweriya herêmê zêde dike û got, Bi ti aliyekî re nacivin bo paşvexistina hilbijartinan.

Seidî Pîre daxwaz kir ku ji ber girîngiya vê ezmûnê ji bo dîroka hevdem a Kurdan, salvegera yekemîn hilbijartina Parlamentoya Kurdistanê weke betlaneya fermî were destnîşankirin.

Em rêzê li biryarên Dadgeha Federal dikin

 

Berdevkê Yekîtiya Niştimanî ya Kurdistanê di kongreyê de tekez kir ku, pirsa kursiyên pêkhateyan ji bo me ne pirsgirêkeke mezin e û me daxwaza betalkirina wan kursiyan nekir û Dadgeha Federalî biryara betalkirina wan kursiyan da. Her wiha rêz li biryarên Dadgeha Federalî bigire, ji ber ku Dadgeha Federalî li gorî ezmûna nû ya Êraqê hatiye avakirin, ku em tê de beşdar bûne di avakirina vê ezmûnê de.


PUKMEDIA