Komîsyon dê 5 kursiyên parlamentoyê ji bo pêkhateyên Kurdistanê diyar bike

PUKMEDIA

Hilbijartin

Komîsyona Bilind a Serbixwe ya Hilbijartinan a Iraqê ragihand ku ji 100 kursiyên şeşemîn civîna Parlamentoya Herêma Kurdistanê 5 kursî ji bo pêkhatan tên veqetandin û ragihand: "Pêkhat para xwe ji 100 kursiyên ku hatine veqetandin heye û nehatine paşguhkirin,komîsyonê pabendî biryarên dadweriya hilbijartinan e.’’

Berdevka Komisyona Bilind a Serbixwe ya Hilbijartinan a Iraqê Cumana Gelayî ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Ji pênc kursiyan 2 kursî bo civatên Silêmaniyê, 2 kursî bo Hewlêrê, kursiyek bo Duhokê, 2 kursî bo mesîhî û tirkmenan yê Silêmani, 2 kursî bo mesîhî û tirkmenên Hewlêrê û yek jî bo mesîhiyên li Duhokê.’’

Sê kursî ji bo mesîhiyan û 2 jî ji bo tirkmenan in

Cumana Gelayî ragihand: “Komîsyona Serbixwe ya Hilbijartinan li ser biryara Desteya Dadwerî ya Hilbijartinan 5 kursî ji bo pêkhatan diyar kir û komîsyon dê pabendî wê biryarê be. Li gorî parvekirina pênc kursiyan, sê kursî bo mesîhî û 2 kursî jî bo turkmen in.’’

Komîsyon bi biryara jûriyê ve girêdayî ye

Berdevkê Komîsyona Bilind a Serbixwe ya Hilbijartinan a Iraqê wiha got: “Encûmena komisyonan dê bicive û li ser biryara desteya dadwerî ya ji bo destpêkirina proseya şeşemîn civîna hilbijartinên Parlamentoya Kurdistanê û biryara komîsyona dadweriyê jî pabend be û bêguman bersiva biryara desteya dadwerî bide û cîbicî bike.’’

Hilbijartinan di dema xwe de pêk bînin

Her woha got:’’Wê komîsyon li ser mijara lidarxistina hilbijartinên parlamentoya Kurdistanê di roja 10-6-2024 de gotûbêj bike, ji ber ku hinek dereng ketine û ev paşdexistin dê bandorê li bernameya karê komîsyonê bike, lê di dawiyê de biryara dawî  ji komîseran re ye.’’

Kursiyên pêkhateyan dê li gorî hejmara kursiyên her çar herêmên hilbijartinê bin

Roja 7-5-2024, Dadgeha Bilind a Federal a Iraqê, li ser şikayeta Mesrûr Barzanî ji bo rawestandina cîbicîkirina xala duyem a madeya (2) ya sîstema tomarkirin û pesendkirina lîsteya, Namzetên hilbijartinên 2024ê yên Parlamentoya Herêma Kurdistanê jimare [7],ku tê de hatiye ku parlamentoya Herêma Kurdistanê ji (100) kursî pêk tê û li ser van herêman hatiye parvekirin : Hewlêr 34 kursî, Silêmanî 38 kursî, Duhok: 25 kursî û Helebce 3 kursî.

Ji wan 100 kursiyan, 2 kursî bo civatên Silêmaniyê, 2 kursî bo Hewlêrê, kursiyek bo Duhokê, wate 2 kursî bo mesîhî û tirkmenan yê Silêmani, 2 kursî bo mesîhî û tirkmenên Hewlêrê û yek jî bo mesîhiyên li Duhokê.
PUKMEDIA