Dadgeha Federalî ya Îraqê giliya Mesrûr Barzanî red kir

PUKMEDIA

Avahiya Dadgeha Federal

Dadgeha Federalî ya Îraqê giliya Serokwezîrê Herêma Kurdistanê Mesrûr Barzanî ya derbarê hilbijartinan red kir û fermana salarî ya xwe yê ji bo taloqkirina xebatên komsiyonê, hilweşand.
Dadgeha Federalî girêdayî biryara Desteya Dadwerî ya Hilbijartinan, 5 kursî ji kutayan re diyar kir.

Berpirsê Navenda Karûbarên Yasayî ya Yekîtiya Niştimanî ya Kurdistanê (YNK) Talar Letîf ji PUKMEDIA re ragihand:“Piştî ku Mesrûr Barzanî li ser xala 2 ya madeya 2 ya Dadgeha Federalî gilî kir û Yekîtiya Niştimanî ya Kurdistanê (YNK) weke kesê sêyem di komîsyonê de gilî li ser giliya serokwezîr kir, Dadgeha Federalî giliya Mesrûr Barzanî red kir.’’

"Di îtiraza me de hemû belgeyên yasayî û destûrî bi rêya tîma me ya parêzeran radestî Dadgeha Federalî hatin kirin, di vê derbarê de Dadgeha Federal piştî du taloqkirina rûniştina dozê, herî dawî îro 21-5-2024 biryar da ku gilî red bike. " wê got

Letîf got: “Bi redkirina giliya Mesrûr Barzanî, Dadgeha Federalî ew biryar pêştir betal kirk u karê komîsyonê rawestiya bû , da ku Komîsyona Bilind a Serbixwe ya Hilbijartinan careke din dest bi karê xwe bo çavdêrîkirina hilbijartinên Parlamentoya Kurdistanê bike.

Yekîtiya Niştimanî ya Kurdistanê (YNK) beriya niha îtîraz li ser wê yekê kiribû Giliyê Mesrûr Barzanî li Dadgeha Federalî, piştî du paşdaxistinên derbarê mijarê de, di rûniştina îro de biryar da bo Redkirina giliya Mesrûr Barzanî, bi sedema pêşkêşkirina belgeyan li ser neqanûnîbûna giliyê tîma parêzerên Yekîtiyê.

PUKMEDIA