Qubad Talebanî: Têkoşîna dijî terorê karekî dijwar e û bi dilê Hevpeymaniya Navdewletî ye

Ragihandina Cîgirê Serok Wezîr

Cîgirê serok wezîran bi hêzên Dije Terorê re civiya

Îro pênşemê 23/05/2024, Cîgirê Serokwezîrê Herêma Kurdistanê Qubad Talebanî serdana serkirdatiya hêzên Dije-Terorê li Kurdistanê kir û ji aliyê Fermandeyê Hêzên Dijî Terorê Wehab Helebceyî ve hat pêşwazîkirin.

Di civîna de ku efser, fermande û endamên hêzên Dije Terorê amade bûn, Qubad Talebanî bi navê hikûmeta Herêma Kurdistanê spasiya hewl û qurbanîdana hêzên Dije Terorê ji bo parastina asayîş û aramiya Kurdistanê kir.

Wî got: “Ji ber şêwaya operasyonên hêzên dije-terorê, dibe ku raya giştî ji operasyon, qehremantî û kiryarên wan wek pêwîst nizanibe, lê Serok Bafil Serokê Yekîtiya Niştimanî ya Kurdistanê û ez, herweha û hêzên hevpeyman jî bi hûrgiliyên operasyonan haydar in û em dizanin ku rûbirûbûna terorê karekî dijwar e, ne tenê ji bo Kurdistanê, rola wê di parastina ewlehî û aramiya Êraq û navçeyê bi giştî heye.

Cîgirê Serok Wezîr di beşeke din ji axaftinên xwe de balkişand li ser berdewamiya perwerde û xwepêşvebirinê û daxwaz ji wan kir ku şerê derûnî û îdiayên kesên alîgir bandorê li vê vê hêzê nekin.

Qubad Talebanî her wiha got: “Em li navçeyeke ne ewle û ne aram de dijîn, ji ber wê jî hêzên ewlehiyê yên Kurdistanê bi taybetî şerê li dijî terorê divê xwe li hember metirsiyên nû biguncînin û hêzên dije terorê hertim şiyana xwe îspat kirine, wek hêzeke hişyar, hêzeke xwedî tecrûbe, ji bo ku xwe bi şert û mercên nû, tehdît û metirsiyan re biguncîne.
Got jî: Hêzên hevpeyman û dostên me ji şiyanên hêzên dije-terorê bandor bûne, lewra daxwazeke mezin heye ku bi wan re operasyonên hevbeş pêk bînin û ev yek cihê serbilindî û şanaziyeke mezine bo vê hêzê.

Qubad Talebanî piştî pesnê xwe yê taybet ji bo Fermandarê Dijî Terorê Wehab Helebceyî û hêz bi giştî, piştevaniya xwe ya tem ji bo wan nû kir, da ku bi awayekî herî baş erkên xwe di rûbirûbûna terorê û metirsiyên curbicur de bi cih bînin û asta hevahengiyê bilind bikin li gel hêzên hevpeyman û hêzên din ên emnî yên li Kurdistan û Êraqê.


PUKMEDIA