Berdevk: YNK tekezî li ser hilbijartinan dike

PUKMEDIA

Saadî Ehmed Pîra

Berdevkê YNKê encama  civîna Mekteba Siyasî ji raya giştî eşkere kir û got:“Du mijarên sereke yên civînê ev bûn;serdana Serokê YNKê bo Amerîkayê û hilbijartinên Parlamentoya Kurdistanê bûn û tekez li ser wê yekê hat  kirin ku divê Herêma Kurdistanê di dema xwe de hilbijartinan bike ji bo bihêzkirina pêgeha xwe.”

Berdevkê Yekîtiya Niştimanî ya Kurdistanê (YNK) Saadî Ehmed Pîre ji PUKMEDIA re wiha got: “Civîna îro ya Mekteba Siyasî ya YNK piştî vegera Serokê Yekîtiya Niştimanî ya Kurdistanê (YNK) Bafil Celal Talebanî ji serdana xwe ya Amerîkayê tê. Serokê YNKê li Amerîkayê çendîn civînên girîng pêk anîn û behsa encamên civînan kir.’’

Her wiha got:“Mijareke din a girîng a civîna îro jî gotûbêjkirina proseya hilbijartinên parlamentoya Kurdistanê bû û tekezî li ser wê yekê hat kirin ku divê di dema xwe de û bi zûtirîn dem were encamdan.Serok Bafil ji bo bihêzkirina pêgeha Herêma Kurdistanê li ser giringiya lidarxistina hilbijartinan li Amerîkayê ligel kesayetiyên siyasî gotûbêj kiriye.’’

Saadî Ehmed Pîre ji PUKMEDIA re wiha got :‘’Di civînê de her wiha hat amajekirin ku paşxistina hilbijartinan krîzeke mezin a siyasî ye û nekarîna hikûmet û desthilatên Herêma Kurdistanê îsbat dike.’’
Di derbarê salvegera Yekîtiya Niştimanî ya Kurdistanê (YNK) de jî wiha got:  “Berevajî salên din, dê xelat ji bo Pêşmergeyên dêrîn ên sala 1976 bên dayîn û çendîn çalakî li çend navend û ofîsên YNKê bên lidarxistin.’’

PUKMEDIA