Serkonsulusê Rûsyayê: YNK xwedî dîrokeke serwer e

PUKMEDIA

Saadî Ehmed Pîra û Serkonsolosê Rûsyayê

Îro berdevkê Yekîtiya Niştimanî ya Kurdistanê (YNK) Saadî Ehmed Pîre ligel Endamê Serkirdayetiya Kurdistanê û Berpirsê Pêwendiyên Derve yê Yekîtiya Niştimanî ya Kurdistanê Dara Xeylanî serdana Konsulxaneya Rûsyaya Federal li Hewlêrê kirin  û ji aliyê Maxim Rubin Serkonsulusê  yê Rûsya li Herêma Kurdistanê ve hatin pêşwazîkirin.

Di hevdîtinê de Saadî Ehmed Pîre bal kişand li ser rola girîng a Rûsyayê li cîhanê û navçeyê û hêvî xwest ku asta peywendiyên Herêma Kurdistanê û Rûsyayê di warên cuda de bihêztir bibin.Her du alî rewşa siyasî ya navçeyê bi giştî û Iraq û Herêma Kurdistanê bi taybetî gotûbêj kirin.

Di beşeke din ya civînê de nirxandina balansa siyasî, leşkerî û aborî yên li ser asta herêmî û navdewletî  kirin û nêrîna YNKê ya derbarê pêşeroja navçeyê de hat nirxandin.

Di vê derbarê de Serkonsulusê Komara Federal a Rûsyayê li Herêma Kurdistanê Maxim Rubin bal kişande ser rol û giraniya YNKê li Kurdistanê , Iraq û navçeyê ku hêzeke siyasî û xwedî dîrokeke tijî serwerî ye.
Wî got: "Rûsya daxwaza aramiya siyasî, geşepêdana aborî û pêşkeftina zêdetir li Iraqê bi giştî û Herêma Kurdistanê bi taybetî dike û em ji bo hemû hevkariyên siyasî û aborî amade ne."

PUKMEDIA