Me nexwest em pişta îradeya gel negirin û demokrasiyê paşve bidin

Nivîsgeha Ragihandinê ya Serokê YNKê

Serok Bafil û Balyozê Brîtanya li Iraqê

Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya Stephen Hitchen Balyozê Brîtanya li Iraqê kir.

Di hevdîtinê de rewşa giştî ya Herêma Kurdistanê û Iraqê hat gotûbêjkirin û tekez li ser hemahengî û karê hevbeş di navbera hemû hêz û aliyên siyasî de ji bo çareserkirina wan pirsgirêkan  hat kirin ku bûne asteng li pêşiya proseya siyasî ya navçeyê.

Serok Bafil Celal Talebanî armanca YNKê ya ji bo hilbijartinan û rewşa rêveberiya Herêma Kurdistanê rave kir û got:’’Rakirina astengiyên li pêşiya hilbijartinan û meşandina pêvajoyê bi rengekî bêkêmasî karê me bû. Ev gaveke rast bû û me nexwest ku ezmûna herêma xwe bixe metirsiyê, me nexwest em pişta îradeya gel  negirin û demokrasiyê paşve bidin li Heremê."

Di beşeke din ya vê hevdîtinê de, pirsgirêkên di navbera Hewlêr û hikûmeta navendî de hatin gotûbêjkirin û Serok Bafil tekezî li ser çareseriya destûrî ya pirsgirêkan  kir û got: “Hemû pêngavên me yên li Bexdayê di çarçoveya parastina mafên gel û berjewendiyên bilind de bûne û me her hewlek li dijî îradeya gelê xwe red kiriye.Helbet em spasiya hemû dostên xwe yên ku piştgirî dane mafên destûrî yên kurdan û hewl dane wan mafên xwe misoger bikin."

PUKMEDIA