Serok Bafil fermana destbikarbûna ji bo Fermandarê Hêzên Komandoyê da

Nivîsgeha Ragihandinê ya Serokê YNKê

Serok Bafil,Wehab Helebceyî,Serxîl Kemal û Diyar Omer

Serokê Yekîtiya Niştimanî ya Kurdistanê (YNK) Bafil Celal Talebanî fermandeyê nû yê Hêzên Komandoya Kurdistanê destnîşan kir.

Di merasîmekê de ku bi amadebûna pêşmerge û têkoşer Omer Osman, bavê fermandarê şehîd Akam Omer, Wehab Helebceyî Rêveberê Giştî yê Dijî Terorê û Rêveberê Giştî yê Operasyonên Asayîşê Serxîl Kemal jî amade bûn, Bafil Celal Talebanî  serleşker Diyar Omer weke Fermandarê nû yê Hêzên Komando yên Kurdistanê destnîşan kir.

Di merasîmê de Serok Bafil rola qehremanî û dilsoz a şehîd Akamî di parastina xaka Kurdistanê û cîbicîkirina yasayan de bilind nirxand û bîranîna vî fermandarê têkoşer bi bîr anî û got:“Şehîd Akam ji min re got, yên piştî min bên, wê gelekî bi hêztir û bêwestantir Kurdistanê biparêzin, li dijî gendeliyê bi hêztir têbikoşin û hiqûqê biparêzin.’’

Serok Bafil Celal Talebanî di beşeke din ji axaftinên xwe de pîrozbayiyên xwe pêşkêşî muqadam Diyar Omer kir û hêviya serkeftinê jê re xwest û spasiya erkên wî yên berê kir û destnîşan kir ku bi heman ruhê şehîd Akam parastina xaka Kurdistanê bike ku emaneta Fermandar Akam e û divê hûn hemû jî wek wî ji bo YNK û Kurdistanê dilsoz û xebatkar bin.

Di berdewamiya merasîmê de bavê şehîd Akam Omer bi boneya destbikarbûna Diyar Omer pîrozbayî kir û di peywira wî ya nû de hêviya serkeftinê jê re xwest û got ku Komandoya Kurdistanê bi xwîna Akam û komek şehîdên Komandoya Kurdistanê hatiye avakirin û ji bo wê jî gelek qurbanî dane û ez bawer im ku hûn ê li pey vê yekê bin û hêza ku ji me hemûyan hez dike biparêzin.

Di dawiyê de Fermande Diyar Omer fermandeyê Hêzên Komando yên Kurdistanê spasiya Serokê Yekîtiya Niştimanî ya Kurdistanê (YNK) kir ku wî ji bo vê erkê giring destnîşan kiriye û got: ‘’Berê jî li gel şehîd Akam û xortên komando me soz dabû xwedê û welat ku emê bibin lawên dilsoz û xebatkarê Kurdistanê. Em dupat dikin ku wek her car bi piştgiriya  Serok Bafil emê di  rêya YNK û şehîdan de  berdewam bibin û bi vê berpirsiyariya mezin rabin.’’

PUKMEDIA