Komisyonê amade ye bo hilbijartinan û sibe dema dawî ya tomarkirinê ye

Kurdistan 04:49 PM - 2024-06-23

Parlemana Kurdistanê

Bi nêzîkbûna bidawîhatina dema tomarkirina hevpeymanî, partiyên siyasî, namzedên takekesî û namzedên pêkhateyên ku dixwazin beşdarî hilbijartinên Parlamentoya Kurdistanê bibin, Komîsyona Bilind a Serbixwe ya Hilbijartinan tekez dike ku ew amade ye hilbijartinên Parlamentoya Kurdistanê birêve bibe û li benda biryarnameya herêmî ye di vê derbarê de.

Dawiya dema qeydkirinê

Berdevka Komisyona Bilind a Serbixwe ya Hilbijartinan Cumane El-Gelay ji malpera fermi ya Yekitiya Niştimanî ya Kurdistan PUKMEDIA re ragihand: Sibe roja duşeme 24.06.2024, dema dawî ya tomarkirina navên hevpeymanî, aliyên siyasî, namzetên takekesî û namzedên pêkhateyan ku dixwazin beşdarî hilbijartinên Parlamentoya Kurdistanê bibine.

Wê got jî: biryara dirêjkirina dema tomarkirinê biryarek e ji aliyê desteya komîsyonên Komîsyona Bilind a Serbixwe ya Hilbijartinan ve û heta niha ti biryarek bo wê yekê nîne.

Cumana El-Geleyî dibêje: Komisyona bilinda serbixwe ya hilbijartinan deriyê tomarkirina beşdarbûyan ji bo heyama 6/8/2024 heya roja dawiya demjimêrên fermî yên xebatê di 24/6/2024 vekirîbûn.

Herwaha got: Ev dewreya nû hat bo wê yekê ku derfetek zêdetir bo beşdarbûnê di hilbijartinên 2024ê yên parlamentoya Kurdistanê bibin.

Hejmara partiyên beşdar

Cumane El-Ghelayî dibêje: “Tenê 2 partiyên nû derbarê partî û hevpeymanan de daxwaza xwe bo beşdarbûna di hilbijartinên Parlamentoya Kurdistanê de diyar kirine.

Wê got jî: heta niha nêzîkî bîst namzedên takekesî hatine tomarkirin û her ku diçe jimare zêde dibe her ku diçe roja tomarkirinê bi dawî dibe û hejmara giştî dibe 22 partî, du hevbendî û 74 namzedên takekesî ku navên xwe tomar kirine bo beşdariyê di Hilbijartinan de.

Li benda biryara herêmî ne

Cûmane El-Gelayî dibêje: Em li bendê ne ku biryareke herêmî derbarê roja lidarxistina hilbijartinên Parlamentoya Kurdistanê were dayîn.
Got jî: Komîsyon çaverêya derkirina biryarnameyekê herêmê ye bo destnîşankirina roja helbijartinan, û Komîsyon amadeye û amadeye li her wextekê de ku ji alîyê serokatîya herêmê ve hatî dîyar kirin, hilbijartinên parlamentoya Kurdistanê birêve bibe.


PUKMEDIA