Bi biryara Serokomarê Iraqê zêdetirî 12 hezar girtî hatin berdan

Serokatiya Iraqê

Logoya Serokkommar

Bi biryara Serokomarê Iraqê Ebdulletîf Cemal Reşîd zêdetirî 12 hezar girtiyên ku cezayê wan bi dawî bûye yan jî hatiye betalkirin, hatin berdan.

Serokkomarê Iraqê di daxuyaniyekê de ku wêneyekî wê ji PUKMEDIA yê re hatiye şandin , tê de wiha tê gotin: "Ji bo pêkanîna pîvanên mafên mirovan li navendên binçavkirin , girtinê û bilezkirina proseya lêkolînê û dabînkirina reftarên dadperwerane bi girtiyan re û piştî wergirtina  gelek gilî wan , Serokatiya Komarê komîteyek ava kiriye ku bi talîmata rasterast ya Serok Ebdulletîf Cemal Reşîd kar dike û nûnerên Serokatiya Komarê, wezaretên navxwe , dadwerî, encûmena bilind a dadwerî û şêwirmendiya asayîşa niştimanî têde hene."

Di daxuyaniyê de hat destnîşankirin ku komîsyonê zêdetirî 12 hezar girtiyên ku cezayê wan bi dawî bûye yan jî ji aliyê Dadgeha Îstînafê ve hatiye betalkirin serbest berdane.

Her wiha di daxuyaniyê de tekezî li ser pabendbûna Serokomarê Iraqê bo karkirina bi xîret di vî warî de kir û hewl dan ji bo bihêzkirina prensîbên yasayê û dabînkirina cîbicîkirina wê ya bi bandor, ku dê jiyaneke azad û bi rûmet ji bo hemû kesan li seranserê Iraqê misoger bike.

PUKMEDIA