Ajansa Asayîşa Herêma Kurdistanê 4 bazirganên mirovan girtin

Rêveberiya Giştî ya Asayîşê - Silêmanî

Logoya Ajansa Asayîşa Herêma Kurdistanê

Ajansa Asayîşa Herêma Kurdistanê çend qaçaxçî girtin ku pêyîwendiyên wan bi dosiya keştiya ku li peravên Îtalyayê binav bibû heye.

Di daxuyaniya Ajansa Asayîşa Herêma Kurdistanê de ku ji PUKMEDIA re hatiye şandin de wiha tê gotin:“Piştî lêkolîn û komkirina zanyariyan li ser tometbarên şandina welatiyên Herêma Kurdistanê yên bi qaçaxî ber bi peravên Îtalyayê ve, ku bûne sedema binavbûna keştiya wan û mirina zêdetir ji (64) welatiyan, bi fermana dadwerê ewlehiyê mezintirîn bazirganên mirovan bi navên (H, H, A), (B, S, M), (M, J, A), (D, A, S) hatin girtin.

Dezgeha Asayîşa Herêma Kurdistanê welatiyên Herêma Kurdistanê  dilniya dike ku hewl û lêkolînên wan berdewam in û di encama lêkolînan de her kesê ku li navxwe û derveyê herêmê bazirganiya mirovan bike dê bê  girtin û radestî dadgehê were kirin.

Li gorî daxuyaniyê de hatiye, gumanbar bi qanûna hejmar 28 a sala 2012'an hatine girtin û lêkolîn berdewam dikin.

PUKMEDIA