Komisyonê dema tomarkirina navên partiyan , hevpeymanî û berbijaran dirêj kir

PUKMEDIA

Hilbiartina perlemana Kurdistanê

Her çende biryar bû îro 27/06/2024 an dawî li tomarkirina navên partiyan,hevpeymaniyan û berbijaran bihata; lê ji aliyê komisyonê ve ew dem jibo roja 4ê Tîrmeha sala 2024 an hat dirêjkirin,ev jî di demekê de ye ku komisyona bilind ya hilbijartinên Êraqê amadebûna xwe nîşanda ku roja 20ê Cotmeha sala 2024 an hilbijartina perlamana Kurdistanê bi rêve bibe.

Comane Xelayî;peyvdara komisyona bilind ya serbixwe ya hilbijartinên Êraqê bi malpera fermî ya Yekîtî Nîştimanî Kurdistan (PUKMEDIA )ragihand ku, komisyonê biryar daye ku dema tomarkirina navên partiyan,hevpeymaniyan û berbijaran jibo hilbajrtina xula şeşem ya perlamana Kurdistanê heta roja 4ê Tîrmeha sala 2024 an dirêj bike.

Comane Xelayî got: mebest ji dirêjkirina wê demê ewe ku demê zêdetir bide partiyan û aliyan bi taybet di dema niha de ku serokatiya herêma Kurdistanê demek nû ji hilbiajrtina perlamana Kurdistanê dîyar kiriye.
 Li gor zanyariyên PUKMEDIA heta niha 4 hevpeymaniyan, 26 partiyan, 101 berbijarên serbixwe û 26 berbijarên pêkhateyan navên xwe jibo beşdarîkirina di hilbijartina perlamana Kurdistanê de tomar kirin; ev jî di demekê de ye ku ji aliyê komisyonê ve du carên din dema tomarkirina navên hevpeymaniyan, partiyan û partiyan hatibûn dirêjkirin. 

Duhî roja 26 Hizêran ya  sala 2024 an serokatiya herêma Kurdistanê biryarnameya pêncemîn ya herêmê jibo diyarîkirina demeke nû jibo hilbijartina xula şeşemîn ya perlamana Kurdistanê ku roja 20ê Cotmeha sala 2024 an e, û komisyonê jî amadebûna xwe nîşandaye ku di wê rojê de hilbajartin bi rêve biçe.

PUKMEDIA