Serok Bafil: Divê hilbijartin bibe guhertina rêveberiyê

PUKMEDIA

Serok Bafil li gel Konsulê nû yê Brîtanya

Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya Andrew Beasley Konsulê nû yê Brîtanya li Herêma Kurdistanê kir.

Li hevdîtinê de Serok Bafil pîrozbahî li erk û berpirsiyariya nû kir û piştgiriya  YNKê ji bo serxistina karê wî dûpat kir û hêvî xwest ku ev yek bibe derfetek bo bihêztir kirina peywendiyan û bidest xistina armancên bilind.

Di civînê de rewşa giştî ya Herêma Kurdistanê û çareserkirina pirsgirêkên di navbera hikûmeta Herêma Kurdistanê û hikûmeta federal de hate gotûbêjkirin û tekez li ser berdewamiya diyalog û hewlên hemû hêz û aliyên siyasî yên ji bo xizmetkirina xelkê û avakirina paşerojeke aramtir, dabînkirina derfetên zêdetir ji bo welatiyan bi taybet ciwanan û handana wan di warên cuda de.

Pirsa hilbijartinên Herêma Kurdistanê mijareke dinê civînê bû, di vê derbarê de Serok Bafil Celal Talebanî got:’’Hewlên me yên ji bo lidarxistina helbijartinan û ne paşxistina wan ji ber sedemên curbicur e. Herêma me ji bo guhertina pêvajoya rêveberiyê û xurtkirina saziyên yasayî pêwîstî bi hilbijartinên adil heye.’’

Serok Bafil amaje bi wê yekê jî kir ku me gelek hewl daye ku ev hilbijartin bê sextekarî û lîstina bi dengên xelkê be, lewra hêviya piraniya hêz û aliyên siyasî ew e ku hilbijartinek di dema xwe de bê encamdan û êdî giraniya herêma me nekeve bin pirsiyara.

Di derbarê Kerkûkê û temamkirina proseya yasayî û îdarî de jî Serok Bafil helwesta YNKê şirove kir û got :’’ Em wek aliyê serkeftî di hilbijartinan de ne û bi  xem in ku pirsgirêkan derbas bikin û parêzgarek destnîşan bikin ku ruhê bihevre jiyanê li wî bajarî kûrtir bike û bê cudahî xizmeta gelê xwe bike. Ji bo wê yekê jî em danûstandinên xwe berdewam dikin û hêvîdar in di zûtirîn dem de bigihin encameke erênî û di xizmeta Kerkûkiyên hêja de bin.’’

PUKMEDIA