Hevpeymaniya Rêveberiya Dewletê: Li Kerkûk û Diyalayê hikûmetên xwecihî bên ava kirin

PUKMEDIA

Civîna Hevpeymaniya rêveberiya Dewletê

Serokê Yekîtiya Niştimanî ya Kurdistanê (YNK) Bafil Celal Talebanî û Hevpeymaniya Rêveberiya Dewletê li Bexdayê li ser avakirina hikûmetên xwecihî yên Kerkûk û Diyalayê civiya.

Li gor daxuyaniyê ku wêneyek dest PUKMEDIA ketiye tê de hatiye ,ku civîn li mala  Mihemed Şîe Sûdanî serokwezîr pêk hatiye û di hevdîtinê de pêşhatên dawî yên Iraq û navçeyê bi giştî hatin gotûbêjkirin û tekezî li ser hewlên hikûmet û saziyên pêwendîdar bo xizmetkirina welatiyan hat kirin.

 Biryar li ser postê Serokê Encûmena Nûneran bê dayîn

Her wiha di civînê de tekezî li ser pêkanîna 2 hikûmetên xwecihî yên Kerkûk û Diyalayê kirin û di zûtirîn dem de biryar li ser postê Serokê Encûmena Nûneran bê dayîn û her wiha Hevpeymaniya Rêveberiya Dewletê hewlên hikûmeta Iraqê li ser mijara vekişandina hêzên Amerîkayê bilind nirxand û got ku tawanbarkirina dezgeha dadwerî ya Iraqê nayê qebûlkirin.

Paşê raporta komîteya çavdêrîkirina karnameya hikûmetê hat pêşkêşkirin û tê de amaje bi wê yekê kir ku heta niha %68 ji karnameya hikûmeta federal hatiye cîbicîkirin.

PUKMEDIA