Divê Pêşmerge ji alîkariyên hevpeymanan sûd werbigirin

PUKMEDIA

Civîna Wezareta Pêşmerge û tîma şêwirmendên leşkerî yên Hevpeymanan

Wezareta Pêşmerge û tîma şêwirmendên serbazî yên hevpeymanan li Herêma Kurdistanê civiyan û Wezîrê Pêşmerge ku serpereştiya wê civînê kir, got: “Rêforma  Wezareta Pêşmerge berdewam e û pêwîste alîkariya hevpeymanan bi giştî jib o  hemû Pêşmergeyên qehreman bin.’’

Wezîrê Pêşmerge Şoreş Îsmaîl got:“Çaksaziya Wezareta Pêşmerge piroseseke cidî ye û qonaxeke girîng a proseyê hatiye cîbicîkirin û bi hevkarî û piştgirya  dostên me yên di hevpeymaniya navdewletî de ku armanca wê avakirina hêzeke niştimanî ya bihêz e berdewame.’’

Di heman civînê de Wezîrê Pêşmerge tekezî li ser pirsgirêkên çend lîway û alayên peyade yên Wezareta Pêşmerge kir ku ji ber çendîn pirsgirêkên emnî û teknîkî ji alîkariyên darayî yên hevpeymanan bêpar mane û got: ““Pêwîste di zûtirîn dem de pirsgirêkan çareser bikin û bi hevkariya hemû aliyan guhertinan pêk bînin, da ku Pêşmergeyên qehreman bi giştî ji wan alîkariyên darayî yên mehane sûd werbigirin.”

Li hember de jî Serokê Şêwirmendên Leşkerî yên Hevpeymaniya Navdewletî li Herêma Kurdistanê Kolonel McKenzie di derbarê proseya çaksaziyê û nivîsandina bernameya karnameya wezaretê de got: Emê di vê pirosesa girîng de alîkariya we bikin, em hêvîdar in ku Pêşmerge bihêz be. Sîstemek pêşketî û nûjen e ji bo parastina sînor û aramiya Herêma Kurdistanê û navçeyê ware cîbicî kirin.”

Di dawiya hevdîtinê de, berdewamiya peywendiyan û hemahengiya zêdetir di navbera Wezareta Pêşmerge û şêwirmendên pilebilind ên hevpeymanan de tekez li ser hewldan û pêngav û xebatên hevbeş ên di pêşerojê de kirin.

PUKMEDIA