Serok Bafil: Em her heqaretek li Dezgeha Bilind a Dadwerî ya Iraqê û serokê wê şermezar dikin

Nivîsgeha Ragihandinê ya Serokê YNKê

Serok Bafil û Serokê Encûmena Bilind a Dadwerî ya Iraqê

Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê bi Serokê Encûmena Bilind a Dadwerî ya Iraqê Fayeq Zêdan re civiya.

Di hevdîtinê de Serok Bafil Celal Talebanî piştgîriya xwe ji bo serxwebûna dezgeha dadweriya Iraqê dûpat kir û pêzanînên xwe jî ji bo pêgeh û rola birêz Fayeq Zêdan di dema borî de nîşan da ku di warê neteweyî û dadperwerî de xizmet ji bo bidestxistina armancên bilind û parastina destûrê ji bo serweriyê kiriye. Her wiha got: “Em bi tundî her bêhurmetî û binpêkirina serwerî û serxwebûna Dezgeha Bilind a Dadwerî ya Iraqê û serokê wê şermezar dikin.’’

Di hevdîtinê de Serokê Encumena Bilind a Dadweriya Iraqê Fayeq Zêdan spasiya Serok Bafel û YNKê kir û piştevaniya wan wek derfet û handaneke zêdetir ji bo parastina serxwebûna dezgeha dadwerî li Iraqê û pabendbûna bi yasayên cîbicîkar wesif kir. Her wiha li ser mekanîzma pêşxistina şiyana zanistî û yasayî ya dadwer û endamên serdozgeriya giştî li Dîwana Serokatiya Dadgeha Pêdaçûnê ya Silêmanî û Germiyanê gotûbêj kirin.

Di beşeke din ya civînê de tekez li ser berdewamiya diyaloga niştimanî û çareser kirina destûrî ya hemû pirsgirêkan hate kirin daku di çarçoveya dezgehên dadwerî de mafên hemû aliyan were parastin.

PUKMEDIA