Sibe mûçeyên heyva Hizêranê dê bên dabeşkirin

PUKMEDIA

Diravê 50 hezar Dînarî

Biryare sibe roja Yekşemê 07.07.2024 an hikûmeta herêma Kurdistanê mûçeyên heyva Hizêranê belav bike ku mûçeyên wan ji Bexdayê hatiye rêkirin, wezareya darayî ya heremê jî ragihand ku sibe dewama bankeyan asayî dibe ku bêhnvedan wan nagire.

Sibe li bankayan bêhnvedan nîne û mûçe tên dabeşkirin

Wezareta darayî û aborî ya hikûmeta herêma Kurdistanê di daxuyaniyekê de ku wêneyek ji wê ketiye destê PUKMEDIA ragihand, sibe roja Yekşemê 7ê Tîrmeha sala 2024  an  li tevaya sazî û dezgehên hikûmeta herêma Kurdistanê bêhvedane, lê dewama tevaya bankan asayî dibe ku erkê dabeşkirina mûçeyan di estûyê wan de ye.

Roja bûrî jî wezareta Darayî ragihandibû ku  kojmê 231 Milyar û 605 Milyon û 531 hezar Dînar ku wek pêdana mûçeyên heyva Hezêranê yên ( kes û karên şehîd û enfalkiriyan û zîndaniyên siyasî û xwedan pêdawîstiyên taybet û xanenişînên şaristanî û serbazî) hat êxistin ser hesabên bankî yê wezareta darayî û aborî ya liqê bajaê Hewlêrê.

LIi gora daxuyaniye wezareta Darayî û aborî ya hikûmeta herêma Kurdistanê sibe (07.07.2024an) mûçeyên  tevaya sazî û dezgehên navbirî dê bên dabeş kirin.

Beşek ji hêzên ewlekariyê bi 3 heyvan mûçeyekê werdigirin

Ev yek di demekê de ye ku beşek ji hêzên ewlekariyê roja 8ê Nîsana 2024an mûçeyên xwe yên heyva 3 wergirtibûn, her weha roja 12ê Hizêrana sala 2024an jî mûçeya heyva Nîsanê wergirtibûn, lê heya niha mûçeyên heyva Gulanê wernegirtine û çarenivîsa mûçeyên wan yên heyva Hizêranê ne hîna diyare.

PUKMEDIA