Wezîrê Pêşmerge:Hewla çareserkirina paşdaketina mûçeyan didin

PUKMEDIA

Şoreş Ismayîl wezîrê Pêşmerge yê hikûmeta herêmê

Wezîrê Pêşmerge yê hikûmeta herêma Kurdistanê beşdarî merasîma derçûna xula heştemîn yê erkanê hêzên Pêşmerge li devera Çuwarqurne kir û daxwaz ji efserên derçûyî kir ku li dewsa bi hêzkirina eqîdeya hizbî, eqîdeya nîştimanî bi hêz bikin, ragihand jî, piştî  encamdana hûrbîniyan pirsgirêka mûçeyên hêzên ewlekariyê dê çareser bibe.

Divê dawî li êrîşan bên

Şoreş Ismayîl,  wezîrê Pêşmerge yê hikûmeta herêma Kurdistanê di çarçoveya merasîmekê de ragihand ku, îro roja Sêşemê rêkefta 9-7-2024 an komîteya hûrbîniyê seredana  wezareta Pêşmerge û yekeyên hêzên 70 û 80 dike û ew çaverê dikin ku di çend rojên bê de piştî bi dawîbûna hûrbîniyan, pirsgirêka dabeşkirina mûçeyên hêzên ewlekariyê dê çareser bibin.

Wezîrê Pêşmerge got:Ez hêvîdarin ew şer û hêrişên li deverên sinorî hene nebin sedema wê yekê ku ziyan bigihêje welatiyên sivîl û bi zûtirîn dem bi dawî bibe.

Peywendiyeke bi hêz yê Pêşmerge digel berevaniya Êraq û hevpeymenan heye

Derbarê yekxistina hêzên Pêşmerge Şoreş Ismayîl amaje bi wê yekê kir ku, me dikarî zal bibin bi ser piraniya pirsgirêkên li hemberî çaksaziyê di nava hêzên Pêşmerge de, lê ew prose demeke zêdetir jibo wê pêwîste.

Her weha derbarê ragirtina hevkariya hêzên hevpeymanan jibo hêzên Pêşmerge ragihand ku, hevkariyên hêzên hevpeymanan berdewamin û çi pirsgirêk têde nîne.

Şoreş Ismayîl amaje bi wê yekê kir ku, wezareta Pêşmerge peywendiyeke xwe ya dirust digel wezareta berevaniya Êraqê heye û hemahengiyên wan digel hevpeymanan jî berdewamin.

Pêştir jî lîwa rukin Bextiyar Mihemed Sidîq emîndarê giştî yê wezareta Pêşmerge jibo malpera fermi yê Yekîtî ya Nîştimanî ya Kurdistanê PUKMEDIA ragihandibû ku, paşdaketina mûçeyên wezareta Pêşmerge peywendiya xwe bi dubare daxwaza zanyariyên nû ji aliyê dîwana çavdêriya darayî ya Êraqê ve heye, û di dema niha de jî darayîya herêmê hewla cî bicîkirina wê daxwaziyê dide,daku careke din wan zanyariyan jibo Êraqê rê bike.

PUKMEDIA