Yekîtiya Niştimanî amade ye beşdarî civîna encumena parêzgeha Kerkûkê bibe

PUKMEDIA

Parêzgeha Kerkûkê

Serok wezîrê Federal Mihemed Şeya Sûdanî bang li endamên serketî  yên encumena parêzgeha Kerkûkê kir ku siba pêncşemê civîna xwe yê yekem lidarbixin, û Yekîtiya Niştimanî ji bo beşdarbûnê di civînê de amade ye.

Yekîtiya Niştimanî amade ye ku beşdarî rûniştinê bibe

Yekîtiya Niştimanî ya Kurdistanê pabendbûna xwe bi beşdariya di rûniştina sibe ya Encûmena Parêzgeha Kerkûkê de tekez kir û ew bû ku çendîn car daxwaz kiribû ku yekem civîn were lidarxistin.

Nûnerê Parêzgarê Kerkûkê Sebah Hebîb ji PUKMEDIA re ragihand: Biryare sibe pêncşemê yekem civîna Encûmena Parêzgeha Kerkûkê were lidarxistin û piştî xwarina sonda yasayî endam wê dest bi erkên xwe bikin.

Sebah Hebîb jî got: Yekîtiya Niştimanî daxwaz dike ku civîna Encûmena Parêzgeha Kerkûkê were lidarxistin û çendîn car jî daxwaza lidarxistina vê civînê kiriye.

Got jî: Gelek pêşniyar ji bo birêvebirina parêzgeha Kerkûkê hene, lê heta niha danûstandin berdewam in û ti rêkeftineke dawî li ser postên îdarî yên parêzgarê Kerkûkê çênebûye.

Sûdanî daxwaza lidarxistina civînê dike

Serok wezîrê Federal Mihemed Şeya El-Sudanî bang li endamên serketî yên Encumena Parêzgeha Kerkûkê kir ku roja pêncşema bê yekem civîna encumenê li dar bixin.

El Sûdanî di daxuyaniyekê de ku kopiyek jê ketiye destê PUKMEDIAyê de wiha got: Piştî ku hikûmeta federal hilbijartinên herêmî ji bo parêzgehên bi ser ket, parêzgeha Kerkûkê jî di nav de ku ji sala 2005’an ve ev hilbijartin lê nehatine kirin pêk anî, di bin sîwana me de diyalogên siyasî di navbera hêzên ku di encumena parêzgehê de cih girtine, û ya din jî bi rêya komîteyeke ku ji bo vê armancê hatiye avakirin pêk hatin, paşê li ser damezrandina hevpeymaniya rêveberiya Kerkûkê ku hemû aliyan dihewîne lihev kirin.

Herweha got jî: Di çarçoveya cîbicîkirina tiştên ku di rûniştina dawî ya diyalogê de li ser lihevkirine, em bang li endamên ku bûne endam di Encumena Parêzgeha Kerkûkê de dikin ku roja pêncşema bê yekem civîna Encûmenê bi serokatiya endamê herî temendirêj pêk bînin.

Wî berdewam kir û got: Em bang li hêzên siyasî yên pêwendîdar jî dikin ku ji bo cîbicîkirina tişta ku di gotûbêjên siyasî de li ser hatiye lihevkirin, hevkariyê bikin û di rojên pêş de van gotûbêjan temam bikin.

PUKMEDIA