Parêzgarê Kerkûkê mafê YNKê ye

PUKMEDIA

Logoya YNKê û Qelaya Kerkûkê

Kerkûk bê parêzgar e û biryare roja pêncşemê yekem civîna encûmena parêzgehê bê lidarxistin.Parêzgarê Kerkûkê yê bi wekalet Rakan Cibûrî piştî ku îro weke endamê encûmenê sond xwar, weke endamê herî temenmezin dê serokatiya civîna yekem a encumena parêzgehê bike.

YNK ji mafê xwe dibîne ku postê parêzgarê Kerkûkê werbigire ji ber ku dengê yekem ê hêzên siyasî li bajêr bû û bi rêkeftina siyasî hewl da Encûmena Parêzgehê pêk bîne, ku hemû aliyên ku di hilbijartinan de bi ser keftine ve parêzgerî nîşan bike. 

Pêncşema bê yekem civîna encumena Kerkûkê ye

Serokwezîrê Federal Mihemed Şîa El Sûdanî bang li endamên serkeftî yên encumena parêzgeha Kerkûkê kir ku roja pêncşema bê yekem civîna encumenê li dar bixin.

Sûdanî di daxuyaniyekê de ku nusxeyek jê ketiye destê PUKMEDIA de, got: “Di çarçoveya cîbicîkirina tiştên ku di rûniştina dawî ya diyalogê de ligel aliyên serkeftî di hilbijartinên Encûmena Parêzgeha Kerkûkê de li ser li hev kiribûn, em bang li endamên serkeftî dikin pêncşema bê, 11ê Tîrmeha 2024an, saet yek piştî nîvro li avahiya Encûmena Parêzgehê dicivin."

Di berdewamiya axaftina xwe de got: Em bang li aliyên siyasî yên pêwendîdar jî dikin ku ji bo cîbicîkirina tiştên ku di diyaloga siyasî de li ser hatine lihevkirin, hevkariyê bikin û di rojên pêş de van diyalogan temam bikin.

Mekanîzmaya hilbijartinên parêzgariyê

Madeya (7) / Heft ya yasaya Parêzgehên ne Herêmî jimare 21 a sala 2008ê girêdayî desthilata Encûmena Parêzgehê ye ji bo bijartina parêzgar û her du cîgirên wî û mekanîzma ku ji bo vê proseyê hatiye danîn wiha ye:

1. Hilbijartina parêzgar û her du cîgirên wî bi piraniya mutleq ya endamên encumenê di maweya herî zêde ya sî rojan de ji roja civîna wê ya yekem de.

2-Eger yek ji namzedan piraniya mutleq ya endamên Encûmenê bi dest nexist, pêşbirk di navbera namzedên ku herî zêde deng stendine de tê kirin û yê ku piraniya dengan bidest bixe di tûra duyemîn a dengdanê de tê hilbijartin.

Di hilbijartinên yekem de Yekîtiya Niştimanî bi ser keft

Di 18ê Kanûna Pêşîn a 2023an de, li herêmê (ji bilî parêzgehên Kurdistanê) hilbijartinên neqanûnî ji bo encûmenên parêzgehên Iraqê hatin lidarxistin, ku tê de hevpeymaniyek ("Kerkûk, hêz û îradeya me") ku ji Yekîtiya Niştimanî ya Kurdistanê û Partiya Komunîst pêk dihat, 5 kursî li Kerkûkê bidest xist û 157 hezar û 639 deng bidest xist û %43 ji dengên giştî yên parêzgehê bi dest xist.

Yekîtiya Niştimanî di civînê de amade ye

Endama Parlamentoya Iraqê ji Fraksiyona YNKê Sebah Şêx Hebîb ji PUKMEDIA re ragihand: “Di civîna sibê de endamên Encûmena Parêzgeha Kerkûkê piştî sonda yasayî dê bi erkê xwe rabin. Yekîtiya Niştimanî gelek caran hewl da ku vê rûniştinê pêk bîne. 

Got jî: Gelek pêşniyar ji bo birêvebirina parêzgeha Kerkûkê hene, lê heta niha danûstandin berdewam in û ti rêkeftineke dawî li ser postên îdarî yên parêzgeha Kerkûkê nehatiye kirin.

Encumena Parêzgeha Kerkûkê ji 16 kursiyan pêk tê û li gorî encamên hilbijartinan ku ji aliyê Desteya Komîseran a Komîsyona Bilind a Serbixwe ya Hilbijartinan ve hatiye pesendkirin ,di hilbijartinên Encûmena Parêzgeha Kerkûkê de, Kurdan 7 kursî bi dest xistin, 5 kursî Yekîtiya Niştimanî ya Kurdistanê di nava hevpeymaniya (Kerkûk Hêz û îradeya me) û 2 kursî bo Partiya Demokrat a Kurdistanê, lîsteyên Erebî jî 6 kursî bi dest xistin. lîsteyên Tirkmenan 2 kursî bi dest xistin û Tevgera Babil jî kursî ji bo pêkhateya Xiristiyan bi dest xist.

PUKMEDIA