Êraq mûçeyên 2 heyvan yên Pêşmerge û asayîşê rê dike

PUKMEDIA

Mûçeyên hêzên asayîş û Pêşmerge

Serok wezîrên Êraqê nivîsek arasteya wezareta darayî dike û têde daxwaz dike ku mûçeyên heyvên Gulan û Hizêran yên bûrî yên hêzên ewlekariya herêma Kurdistanê xerc bike.

Nivîsingeha serok wezîrên Êraqê di nivîsekê de ku kopiyek Ji wê ketiye destê PUKMEDIA arasteya wezareta darayî kiriye ku têde wezareta darayî raspartiye bi xerckirina mûçeyên heyvên Gulan û Hizêran yên Pêşmerge û asayîşê yên herêma Kurdistanê, heta wê dema ku têbîniyên dîwana çavdêriya Êraqê ji aliyê hikûmeta herêmê ve tê çareserkirin.

Di nivîsê de amaje bi wê yekê hatiye kirin ku pêwîste piştî çareserkirina têbîniyên ji aliyê hikûmeta herêmê ve mûçeyên heyvên din yên Pêşmerge û asayîşa herêmê bên xerckirin.

Her di wê derbarê de Dr. Biryar Reşîd, endamê komîteya aborî li civata nûnerên Êraqê jibo malpera PUKMEDIA ragihand ku digel wê yekê ku wezîra darayî ya Êraqê amade nebûye, heta ku hûrbînî di lîsta mûçeyên herêmê de temam bibe mûçeyên heyvên  5 û yên Pêşmerge û asayîşê rê bike, lê serok wezîrên Êraqê biryar daye ku mûçeyên Pêşmerge û asayîşê bên xerckirin û piştre hûrbînî di lîsta mûçeyên wan de bê kirin.  

Li gor zanyariyên PUKMEDIA  jiber temamnebûna hûrbîniyên di lîsta mûçeyên hêzên ewlekariya herêma Kurdistanê de, Teyf Samî , wezîra darayîya Êraqê amade nebû ku berpirsyartiya şandina mûçeyên dû heyvan yên hêzên ewlekariya herêmê têxe estûyê xwe û daxwaz ji serok wezîrên Êraqê kir ku ew wê berpirsyartiyê têxe estûyê xwe.

Hêzên Pêşmerge û asayîşê di heyama 100 rojên bûrî de tenê yek mûçe bi wan hatiye dayîn, eve ji jiber têbîniyên dîwana  çavdêriya darayî ya Êraqê li ser lîsta mûçeyên wan hebû û heta çareserkirina wê pirsgirêkê serok wezîrên Êraqê, wezareta darayî raspartiye ku mûçeyên dû heyvan yên wan xerc bike.

PUKMEDIA