Vê hefteyê 2 mûçeyên hêzên ewlekariyê dê bên dabeşkirin

PUKMEDA

Hêzên ewlekariya herêmê

Di çend rojên bê de Êeraq dê 2 mûçeyên hêzên ewlekariya herêmê rê bike, çavkaniyeke ji wezareta darayî ya herêmê jî dibêje: Digel şandina dû mûçeyên hêzên ewlekariyê, rastexwe mûçeyên heyvên Gulan û Hizêranê yên hêzên ewlekariyê dê bên dabeşkirin.

Çavkaniyeke ji wezareta darayî ya hikûmeta herêma Kurdistanê ku ne xwestiye navê wê bê aşakere kirin bo PUKMEDIA got: Em çaverê dikin ku heta roja Pêncşemê mûçeyên heyvên Gulan û Hizêranê yên hêzên ewlekariyê ji aliyê Êraqê ve bê êxistin ser hejmara wezareta darayî ya herêmê û piştre rastexwe dest bi dabeşkirina mûçeyên herdû heyvan dê bê kirin.

Digel şandina dû mûçeyên hêzên ewlekariyê rastexwe mûçe dê bên dabeşkirin

Roja Pêncşema bûrî 11-07-2024 an Mihemed Şeyah Sûdanî , serok wezîrên Êraqê biryar dabû ku mûçeyên heyvên 5 û 6 yên hêzên ewlekariya herêma Kurdistanê bên şandin, di wê çarçoveyê de jî wezareta darayî raspart bi şandina mûçeyên hêzên ewlekariyê.

Herêm Kemal Axa, endamê komîteya asayîş û berevaniyê li civata nûnerên Êraqê bo malpera fermi yê Yekîtî ya Nîştimanî ya Kurdistanê (YNK) PUKMEDIA ragihand ku piştî ku serok wezîrên Êraqê biryar da ku mûçeyên heyvên 5 û 6 yên hêzên ewlekariyê bên xerckirin, tê çaverêkirin ku heta dawiya vê hefteyê darayî ya Êraqê dê mûçeyên wan bixe ser hejmara darayî ya herêmê.

Kemal Axa got: Hûrbînî di lîsta mûçeyên hêzên ewlekariya herêma Kurdistanê de ji aliyê dîwana çavdêrî û darayî ya Êraqê ve berdewame û hewldan di arasteya dubare paşda ne xistina mûçeyên hêzên ewlekariyê de ne, jiber ku pêştir jî darayî ya Êraqê çend heyvan mûçe ji bo hêzên ewlekariyê ne şandibû.

Serok wezîrên Êeraqê berpirsyartiya mûçeyên hêzên ewlekariyê digre estûyê xwe

Nivîsingeha  serok wezîrên Êraqê di nivîsekê de ku kopiyek ji wê ketiye destê PUKMEDIA arasteya wezareta darayî kiriye û têde wezareta darayî raspartiye bi xerckirina mûçeyên heyvên Gulan û Hizêranê yên hêzên Pêşmerge û asayîşa herêma Kurdistanê,heta wê demê ku têbîniyên dîwana çavdêrî û darayî ya Êraqê ji aliyê hikûmeta herêmê ve tên çareserkirin.

Li gor zanyariyên PUKMEIDA bi sedema temam ne bûna hûrbîniyên di lîsta mûçeyên hêzên ewlekariya herêmê de, Teyf Samî wezîra darayî ya Êraqê amade nebû ku berpirsyartiya şandina mûçeyên dû heyvan yên hêzên ewlekariya herêmê bixe estûyê xwe û daxwaz ji serok wezîrên Êraqê kir ku wê berpirsyartiyê bigre estûyê xwe.

Beşek ji hêzên ewlekariyê li gor daxuyaniya wezareta darayî ya herêmê ku ji (Hêzên 70 û 80, Civata Asayîşê, Dezgeha Asayîşê, Hêzên Zêrevanî, Berevanî û Hewarçûn, Rêveberayetiya Polîsê Parastina Sazî û Dezgehan, Pasawanên Wezareta Navxwe) pêk tên di heya zêdetirî 100 rojan de tenê yek mûçe wergirtine, ku bi diyarîkirî, roja 12-06-2024 an mûçeya heyva Nîsanê wergirtine, lê heya niha mûçeyên heyvên 5 û 6 wernegirtine ku bi vî awayî jî zêdetirî 3 heyvane tenê yek mûçe wergirtine.

PUKMEDA