Letîf Nêrweyî: Doza penaberên Şengalê nabe bi siyasî bikirê

PUKMEDIA

Letîf Nêrweyî û Mîr Selîm Necman Daud Selman Beg

Îro sêşeme 16.07.2024, Rêheval Letîf Nêrweyî Berpirsê Desteya Ragihandinê ya Yekîtiya Niştimanî ya Kurdistanê (YNK) pêşwaziya serokê Dezgeha Xizmetguzarî û Rewşa Awarte ya Êzidxanê Mîr Selîm Necman Dawûd Selman Beg ku  kesayetiyekî  navdar ê olî û civakî yê Êzdiyên Kurdistan, Iraq û cîhanê  ye  û şanda pê re kir.

Serok Bafil siyaseta Serok Mam Celal li hember Êzdiyan dişopîne

Di hevdîtinê de Letîf Nêrweyî balkişand li ser rola giring a kurdên êzîdî di bizava rizgarîxwaziya gelê Kurdistanê de û hemleyên jenosîdê ku bi dirêjahiya dîrokê de rastî wan hatiye û amaje bi hewlên Yekîtiya Niştimanî ya Kurdistanê kir li Kurdistan di  piştgiriya  Êzidiyan de ,li ser Rêbaza  Serok Mam Celal ji bo parastina pêgeh û rola Êzidiyan di proseya siyasî de, bidestveanîna daxwazên wan ên rewa, parastina asayîş û aramiyê li navçeyên wan , ji nû ve avakirina wan , dabînkirina vegera bi rûmet ji bo deverên xwe  Şengalê û derdora wê û rakirina astengiyên li pêşiya vegera wan, got: “Serok Bafil Celal Talebanî  bi siyaseta Serok Mam Celal li hember hemû pêkhateyan bi taybet Kurdên Êzidî dişopîne,dibêje ku divê mijara koçberên Şengalê neyê sîyasetkirin.”

Baweriya Kurdên Êzdî bi YNKê heye

Berpirsê Desteya Ragihandinê got jî: Yekîtiya Nîştimanî kar li ser berfirehkirina bandor û desthilata xwe li Herêma Kurdistanê bi wergirtina baweriya girseyan di hilbijartinên bê yên Parlamentoya Kurdistanê de, bi armanca xizmetkirina zêdetir ji girseya Gelê Kurdistanê û hemû pêkhateyên olî û netewî bi taybetî Kurdên Êzidî dike .”

Êzdî spasiya YNKê dikin ku helwesta wê ya neguherî heye

Ji aliyê xwe ve, Mîr Selîm Necman Dawûd Selman Beg pesna helwêstên berdewam yên Yekîtiya Niştimanî ya Kurdistanê di piştgirî kirina Êzdiyan de kir û daxwaz ji Yekîtiya Niştimanî ya Kurdistanê kir ku hewlên xwe ji bo vegerandina êzîdiyan bo warên xwe Şengalê û dabînkirina jiyaneke hêja û aram ji bo Êzidiyan bi kar bîne û ji nû ve avakirina herêmên wan.

PUKMEDIA