Dawî li wergirtina lîstên namzedan tê

PUKMEDIA

Dengdan

Îro 18-7-2024 Komîsyona Bilind a Serbixwe ya Hilbijartinan ji bo wergirtina lîsteya namzedên gera şeşem a hilbijartinên Parlamentoya Kurdistanê demek diyar kir.

Piştî ku di 15'ê Tîrmehê de dema qeydkirina namzedan bi dawî bû, Komîsyona Bilind a Serbixwe ya Hilbijartinan dema wergirtina lîsteya namzedên hevpeymanî, partî, namzedên takekesî û pêkhateyan ji bo hilbijartinan heta îro 18ê Tîrmehê dirêj kir.

Beriya niha jî Berdevka Komisyonaê Cumene Xelayî ji malpera fermî ya Yekîtiya Niştimaniya Kurdistanê (PUKMEDIA) re gotibû: Dema wergirtina namzedan heta roja pêncşemê 18/7/2024 bi dawî dibe.

Di raporta herî dawî ya Komîsyona Hilbijartinan ku wêneyek ji PUKMEDIA re hatiye şandin amaje bi wê yekê kiribû ku di navbera (1/1/2024) heta (11/7/2024) li Herêma Kurdistanê zêdetir ji 800 hezar dengder hatine tomarkirin lê nêzîkî nîvî wê hejmarê ji bo wergirtina karta dengderan serdana navendên tomarkirinê nekirine, lê parêzgeha Silêmaniyê di rêza yekem de ye di warê vegerandina kartên biyometrîk ji welatiyan re.
Hejmara giştî ya dengderên Herêma Kurdistanê 3 milyon û 789 hezar û 360 dengderan e, ji wan 2 milyon û 901 hezar û 80 dengder li komîsyonê tomarkirî ne.



PUKMEDIA