Endamê Komîteya Darayî: Pereyên xanenişînan dê dahata dawî ya Iraqê be

PUKMEDIA

Mûçeyên karmendan

Roja Yekşema borî 21.07.2024, Hikûmeta Herêma Kurdistanê lîsteyên mûçeyên karmendan ji Wezareta Darayî ya Hikûmeta Federal re şand, ji bo ku mûçeyê meha Tîrmeha îsal were dayîn, ji ber ku niha hikûmeta federal li ser wan lîsteyan pişkinîn dike.

Endamekî Komîteya Darayî ragihand, Wezareta Darayî ya Iraqê dest bi kontrolkirina lîsteya mûçeyê fermanberên Hikûmeta Herêma Kurdistanê bo meha heftan kiriye û got: “Biryara dayîna mûçeyan piştî bidawîbûna kontrolê dê bê dayîn.Dahata xanenişînan dê bibe dahata dawî ya Wezareta Darayî ya Iraqê, ku dê mehane 14 milyar dînar b." 

Hikûmeta federal mûçeyên karmendan kontrol dike

Endama Komîteya Darayî ya Parlamentoyê Dr. Nermîn Maarûf ji PUKMEDIA re ragihand: Wezareta Darayî ya Federal dest bi kontrolkirina lîsteyên mûçeyên meha Tîrmehê li Herêma Kurdistanê kiriye û her meh ev prose tê kirin.

Her wiha got: Niha hikûmeta federal li lîsteyên mûçeyên meha Tîrmehê pişkinîn dike û piştî bidawîhatina pişkinîna lîsteyan dê fermana dana mûçeyê fermanberên herêma Kurdistanê bê dayîn.

Herêma Kurdistanê xwedî sindoqa xanenişînan nîne

Dr. Nermîn Maarûf dibêje: Herêma Kurdistanê sindoqa giştî ya xanenişînan nîne, lê ew pereyê ku ji mûçeyê karmendan tê daxistin, di dahata dawî ya xezîneya giştî de cih digire.

Her wiha got: Pereyên ku hikûmeta herêma Kurdistanê ji mûçeyê karmendan derdixe, bi fermî derbasî xezîneya hikûmeta federal dibe û heta niha hikûmeta federal di salên borî de daxwaza wan pereyan nekiriye û eger daxwaza wê jî kiribe jî, dê bikeve nav xezîneya hikûmeta federal ku mijara lihevkirina darayî ya di navbera her du hikûmetan de ye.

Rasterast mûçeyên karmendên wê dewlet fînanse bike

Dezgeha Muhasebeyê ya Wezareta Darayî ya Federalî di 22.07.2024ê de dest bi prosedurên fînansekirina mûçeyên karmendên dewletê û endamên asayîşê yên meha Tîrmehê kir.

Desteya Hesabgiriyê bang li yekeyên xerckirinê li wezaret, parêzgeh û dezgehên ne girêdayî wezaretê kir ku nûnerên xwe yên rayedar bişînin da ku hewcedariyên fînansekirina mûçeyên karmendan temam bikin, li gorî pabendbûna nexşeya darayî ya mehane ya ku ji hêla wan ve hatî pejirandin û pêkanîna hemî pêdiviyên darayî yên pêwîst e.

PUKMEDIA