YNK dixwaze desthilatdariyê rast bike û xizmeta gel bike

PUKMEDIA

Parlamentoya Kurdistanê, logoya YNK

Serrastkirina rêbaza desthilatdariyê û bihêzkirina pêkhateya Herêma Kurdistanê armanca Yekîtiya Niştimanî ya Kurdistanê (YNK) ji bo pêşeroja herêma Kurdistanê û dixwaze bi proseyeke demokratîk û bi rêya parlementoyê vê guhertinê pêk bîne, ji bo vê mebestê jî ew hêvî dike ku gelê Kurd bi qasî hejmareke nûnerên xwe bişîne Parlementoya Kurdistanê ku biryar e di 20ê Cotmeha 2024an de,hilbijartina  şeşemîn a Parlamentoya Kurdistanê were lidarxistin. 

Gelê Kurd hêviya xwe bi hewlên Yekîtiya Niştimanî ya Kurdistanê (YNK) a ji bo guhertina siyasî û serrastkirina desthilatê ve girêdaye û di wê baweriyê de ye ku tenê YNK dikare hikûmeteke xizmetkar bo pêşeroja Herêma Kurdistanê pêk bîne.

Serkeftina YNKê serkeftina gel e

Endamê Serkirdatiya Yekîtiya Niştimanî ya Kurdistanê (YNK) Luqman Werdî ji malpera fermî ya YNKê PUKMEDIA re gotiye: “Çawa ku berê avakirina YNKê pêwîstiya rewşê bû û hêviya gelê kurd bû, niha jî piştgiriya  YNKê ji bo gera şeşem a hilbijartinên parlamentoyê pêwîste û serkeftina YNKê jî serkeftina gelê Kurd e.

“YNK ew hêz e ku xelkê Herêma Kurdistanê pişta xwe bi guhertina desthilatê ve girêdaye, bi taybetî ku duruşma serrastkirina rêbaza desthilatdariyê û karkirina ji bo aramiya gelê Herêma Kurdistanê,nehêlana  krîza darayî ya ku bûye bela serê Herêma Kurdistanê ev  10 sal in.’’ Werdî got

Endamê Serkirdatiya YNKê got jî:"Serkeftina YNKê di hilbijartinên bê yên Parlamentoya Kurdistanê de tê wateya serkeftina gelê Kurd û pêkanîna daxwazên wan. Di vê derbarê de YNK xwe ji bo hilbijartinên bê yên parlamentoyê amade dike û dixwaze hikûmeta dahatî de xizmeta gel bike."

Guhertina siyasî tenê bi Yekîtiyê pêkan e

YNK di hemû qonaxan de bûye hêviya xelkê û di vê qonaxê de jî zêdetir hêviya xwe bi YNKê ve girê dane ji ber ku dizanin guhertinên rasteqîn tenê bi rêya YNKê pêk tên.

Endamê Serkirdatiya Yekîtiya Niştimanî ya Kurdistanê (YNK) Xedr Mistefa ji PUKMEDIA re wiha got: “YNK her dem rizgarkerê gelê Kurd bûye û ji bo pêşeroja Kurdistanê jî xelkê hêviya xwe bi YNKê girêdaye û di wê baweriyê de ye ku guhertinên siyasî tenê bi rêya YNKê pêk tên.

“Çawa ku di sala 1991’an de YNK bû dînamoya serhildana gelê Kurd, YNK’ê jî ji bo pêşeroja Kurdistanê rastkirina rêbaza desthilatdariyê dixwaze û di vî warî de bi rêya parlamentoyê dixwaze vê armancê pêk bîne.

Xedr Mistefa got jî: “YNK’ê her tim li dijî komploya dijber û dijminên xwe şer kiriye û li eniya gel bûye û di pêşerojê de jî bi heman siyaseta Serok Mam Celal dê têkoşîna xwe ya demokratîk bidomîne.

Hêviya gelê herêmê bi YNK’ê heye

YNK dê bi bihêzkirina parlamento û hikûmeteke wê xizmetkar be , ku di hilbijartinên bê yên parlamentoyê de pêwîste, berevaniyê li mayîn û bihêzkirina Hikûmeta Herêma Kurdistanê bike.
Ji bo bidestxistina hejmareke zêde ya kursiyên parlamentoyê ji bo pêkanîna guhertinên siyasî û serastkirina rêbaza hikûmetê ku dê vejîn û bihêzkirina Herêma Kurdistanê bike, xelkê Herêma Kurdistanê hêvî û pişta xwe bi YNKê ve girêdide ji bo wê guhertinê.

PUKMEDIA