Bexda dê vê hefteyê mûçeyên Herêma Kurdistanê bişîne

PUKMEDIA

Mûçeyên xebatkarên Herêma Kurdistanê

Wezareta Darayî ya Federal pişkinîna mûçeyên karmendên Herêma Kurdistanê bi dawî anî û endamekî civata nûneran jî dibêje, hêvî heye mûçeyên hefteyekê de bên şandin.

Parlamentera Fraksiyona YNKê ya Parlamentoya Iraqê Sebah Şêx Hebîb ji malpera fermî ya Yekîtiya Niştimanî ya Kurdistanê (PUKMEDIA) re ragihand:"Wezareta Darayî ya Iraqê pişkinîna lîsteya mûçeyên karmendên Herêma Kurdistanê temam kir û tê çaverêkirin ku di vê heftiyê de mûçeyên meha Tîrmehê li ser hesabê darayî yê Herêma Kurdistanê were razandin."

Sebah Şêx Hebîb her wiha got: “Parvekirina mûçeyên meha Tîrmehê heta niha li Iraqê berdewam e û nehatiye temamkirin, ji ber ku ji 22/7/22ê ve proseya dabînkirina mûçeyan dest pê kiriye.”

Roja 21ê Tîrmehê, Wezareta Darayî ya Hikûmeta Herêma Kurdistanê lîsteyên mûçeyên karmendên dewletê, xanenişînan û hêzên ewlehiyê ji Wezareta Darayî ya Federal re şandibû.

PUKMEDIA