Serok Bafil: Ji bo kesên jiyana mirovan dixe metirsiyê efû nine

PUKMEDIA

Serok Bafil

Serok Bafil Celal Talebanî ji ber şehadeta welatiyê bi navê Arî Rizgar li Taxa Raperîn a Silêmaniyê sersaxî xwest û got:"Ez ê bibim parêzerê malbata birêz Arî ya serbilind heta ku ev doz rêyên xwe yên yasayî bigire û efûyek ji bo wan kesên ku jiyan û aramiya gelê me dixe metirsiyê nebe."
Teksta peyama Serok Bafil.
Şehadeta birêz Arî û birîndarbûna welatiyekî din di dema xebat û debara jiyana xwe de ez ji dil nîgeran kirim.

Ji ber vê windabûna mezin em ji malbata birêz Arî ya serbilind re sersaxiyê  dixwazim û şifaya xêrê ji birîndaran re dixwazim.

Şehadeta birêz Arî sûcekî giran e. Ez bang li dezgehên ewlekarî dikim ku di zûtirîn dem de tawanbaran derxînin pêşberî dadgeriyê da ku kes newêre dest deyne ser jiyana xelkê. Ez jî radigihînim ku heta ev doz rêyên xwe yên yasayî bigire û dadgeh biryara xwe ya adil bide ezê bibim parêzerê malbata serbilind a birêz Arî.

Her wiha ji hemû dezgehên ewlekarî û leşkerî re tekez dikim ku, her kesê di her pile û meqamê de be, yasayan binpê bike, yan jî alozî derbixe û piştgiriya her tawanekê bike, dê bê dadgehkirin û efû ji bo wan kesên ku jiyan û aramiya gelê me dixe metirsiyê namîne. Em dûbare dikin ku erka karmendên saziyên leşkerî û ewlehiyê parastina canê xelkê ye û rûbirûbûna qanûnên binpêkeran nayê qebûlkirin û dê rêkarên yasayî li dijî wan bên kirin.

Xwedê ruhê birêz Arî li cennetê şad bike û sebrê bide her kesî.

Bafil Celal Talabanî

Serokê Yekîtiya Niştimanî ya Kurdistanê

PUKMEDIA