Civîna Encûmena Parêzgeha Kerkûkê bo hefteya bê hat paşxistin

Kurdistan 01:55 PM - 2024-08-01

Encumena Parêzgeha Kerkûkê

Fireksiyonên Kerkûkê hêz û vîna me û Babilyon ragihandin ku civîna Encûmena Parêzgeha Kerkûkê bo destpêka heftiya bê hat paşxistin da ku zêdetir dem bidin hêzên siyasî.

Herweha herdu fireksiyonan daxuyaniyekê de ragihand: Piştî wergirtina nîşanên erênî ji aliyê hinek hêzên siyasî yên di nava Encûmena Parêzgeha Kerkûkê de û daxwaza wan ku dem zêdetir were dayîn ji bo beşdarbûna wan di civînê de.

Di daxuyaniyê de hatiye: Li ser daxwaza serokwezîrê rêzdar û serkirdeyên hêzên siyasî yên niştimanî ya ji bo dayîna dema zêdetir, me biryar da ku rûniştina îro pêncşemê bo destpêka roja bê were paşxistin.

Rûniştina yekem

Encumena Parêzgeha Kerkûkê roja 11/7/2024 bi amadebûna her 16 endamên xwe, nûnerê serokwezîr Mihemed Şeya Sûdanî û nûnerên aliyên siyasî yên Kerkûkê, yekem civîna xwe li dar xist.

Encumena Parêzgeha Kerkûkê ji 16 kursiyan pêk tê û li gorî encamên hilbijartinên ku ji aliyê Desteya Komîseran a Komisyona Bilind a Serbixwe ya Hilbijartinan ve hat pesendkirin, Kurdan 7 kursî ku 5 ji wan ji bo Yekîtiya Niştimanî (Kerkûk hêz û vîna me ye) û 2 kursî ji bo Partiya Demokrat a Kurdistanê, lê lîsteyên Erebî 6 kursî, Tirkmenan 2 kursî û tevgera Babil jî kursî ji pêkhateya Xiristiyanan re bidest xistin.

PUKMEDIA