Bêyî Yekîtiya Niştimanî ti biryareke siyasî li Kerkûkê nayê dayîn

PUKMEDIA

Kerkûk

Li gorî qanûnê 6 roj mane ku hêzên siyasî yên ku di Encûmena Parêzgeha Kerkûkê de cih digirin, li ser pêkanîna rêveberiya xwecihî ya nû li parêzgehê li hev bikin, di heman demê de endamekî Encûmena Parêzgehê tekez dike ku bêyî ku ti biryareke siyasî li Kerkûkê derbas nabe bêyî Yekîtiya Niştimanî ya Kurdistanê.

Endamê Encumena Parêzgeha Kerkûkê ji fireksiyona YNK, D.Ehmed Fetih di daxuyaniyeke rojnamevanî de ragihand: Heta niha roja civîna bê ya Encûmena Parêzgeha Kerkûkê nehatiye diyarkirin, lê em hêvîdar in ku hêzên siyasî heta 11 vê mehê bigihin rêkeftinekê û parêzgar û postên din bên hilbijartin û got: Di vê derbarê de danûstandin di navbera fireksiyon û hêzên siyasî de berdewam in.

Herweha D.Ehmed Fetih got jî: Biryar bû roja pêncşema borî civîna encûmena parêzgehê ji bo helbijartina parêzgarê Kerkûkê û serokê encûmena parêzgehê bihata lidarxistin, lê li ser daxwaza serokwezîr Mihemed Şeya Sûdanî civîn hat paşxistin û em hewl didin ku di vê hefteyaê de rûniştin pêk were.

Endamê Encumena Parêzgeha Kerkûkê eşkere kir: Ji dema damezrandina lîsteyan berî hilbijartinan, Yekîtiya Niştimanî ya Kurdistanê berdewam daxwaza pêkanîna lîsteya yekgirtî ya Kurdî bo hilbijartinên encumena parêzgeha Kerkûkê dike û niha jî daxwaza yekdengiya Kurdistanî dike, ji ber ku siyaseta zivirîn û pî badanê bi Yekîtiya Niştimanî re bi ser nakeve, di rastiyê de ew xwekuştina siyasî ye, ji ber ku em nêzîkî hilbijartinên Parlamentoya Kurdistanê ne û hemû çav li ser hilbijartina parêzgarê Kerkûkê ye.

Encûmena Parêzgeha Kerkûkê roja 11/7/2024ê yekem civîna xwe bi amadebûna her 16 endamên xwe, nûnerê serokwezîr Mihemed Şeya El-Sudanî û nûnerên partiyên siyasî yên Kerkûkê lidar xist. Divê rêveberiya nû di nava 30 rojan de ji roja lidarxistina yekemîn civîna Encûmena Parêzgehê de were avakirin.

Encumena Parêzgeha Kerkûkê ji 16 kursiyan pêk tê û li gorî encamên hilbijartinan, Kurdan 7 kursî di Encûmena Parêzgehê de bidest xistin, ku 5 kursî ji bo Yekîtiya Nîştimanî (Kerkûk hêz û vîna me ye) û 2 kursî jî ji bo Demokrata Kurdistanê bûn, lîsteyên Ereban 6 kursî û Tevgera Babil jî 2 kursî bi dest xistin.

PUKMEDIA