Talebanî: Divê Hollanda alîkariya Herema Kurdistanê bike

Buroya Çapemeniyê ya Qubad Talebanî

Cîgirê Serokwezîrê Herêma Kurdistanê û Konsulê Giştî yê Holanda

Cîgirê Serokwezîr Qubad Talebanî pêşwaziya Jako Birends Konsulê Giştî yê Holanda li Herêma Kurdistana Iraqê kir û li ser çend mijarên balkêş gotûbêj kirin.

Di hevdîtinê de ku roja Çarşemê (07.08.2024) li bajarê Hewlêrê bi helkefta bidawîhatina erkê Konsûlê giştî hat lidarxistin, Qubad Talebanî hêviya serkeftinê ji Konsulê Giştî yê Holendayê re di erkê dahatû de xwest.

Cîgirê serokwezîr amaje bi alîkariyên berê yên Holendayê ji bo çaksaziya Wezareta Pêşmerge, çaksaziya aborî û çendîn warên din kir û hêvî xwest ku di pêşerojê de jî ev alîkarî berdewam be û pêwendiyên her du aliyan zêdetir pêşde biçin.

Li beşekî dinê vê hevdîtinê de behsa pêwîstiya pêşxistina şarezayiyên karsaz û nûjenên ciwan hat kirin ku her du alî li ser wê yekê hevdeng bûn ku pêşxistina şarezayiyên ciwan ên karsaz û nûker dê bibe sedema geşepêdana aborî û sektora taybet li Herêma Kurdistanê. Di vê çarçoveyê de, Qubad Talebanî hêvî xwest ku Holenda di warê pêşxistina ciwanan de alîkariya Herêma Kurdistanê bike.

PUKMEDIA