Komisyonê tîropişk bo hejmara partî û namzedan dike

PUKMEDIA

Parleman û logoya Komisyonê

Sibe roja şemiyê li bajarê Hewlêrê Komîsyona Bilind a Serbixwe ya Hilbijartinan li Êraqê tîropişk bo  hejmara partî, hevpeymanî û namzedên takekesî yên beşdar di hilbijartinên Parlamentoya Kurdistanê de ku biryar e di 20.10.2024 de bê lidarxistin, birêve diçe.

Komîsyonê di daxuyaniyekê de ragihand: Komîsyona Bilind a Serbixwe ya Hilbijartinan ji bo hilbijartinên 2024’an ên Herêma Kurdistanê û Êraqê, tîropişk bo hejmara hevpeymanî, partî û namzedên takekesî yên ku beşdarî hilbijartinên 2024’an ên Parlamentoya Herêma Kurdistanê de hat kirin.

Komîsyonê da zanîn ku tîropişk dê roja şemiyê 10/8/2024ê li otêla navnetewî ya Hewlêrê saet 10ê sibê were kirin.

Komisyonê her weha ragihand ku di hilbijartinên Parlamentoya Kurdistanê de 139 lîsteyên hilbijartinan beşdar in ku ji wan 2 hevpeymanî, 13 partî û 124 namzedên takekesî hene.
Hejmara namzedên giştî yên takekesî 85 kes û hejmara namzedên pêkhateyan jî 39 kes in, ku 19 namzedên mesîhî bi vî awayî hatine dabeşkirin: Hewlêr 7, Silêmaniyê 4, Duhok 8 namzed û 20 namzedên tirkmen jî bi vî awayî hatine belavkirin: Hewlêr 14, Silêmanî 6 namzed.

Di 26ê Hezîrana 2024ê de, Serokatiya Herêma Kurdistanê biryara pêncem derxist û tê de, di rûniştina xwe ya şeşan de, roja nû ji bo lidarxistina hilbijartinên Parlamentoya Kurdistanê diyar kir, piştî ku berî niha 4 biryarên bi vî rengî dabûn, lê hilbijartin hatibûn paşxistin û di rojên diyarkirî de pêk nayên.

Serokê Herêma Kurdistanê Nêçîrvan Barzanî biryar da ku roja 20.10.2024ê weke roja lidarxistina hilbijartinên şeşemîn civîna Parlamentoya Kurdistanê were destnîşankirin.


PUKMEDIA