Şêx Cefer: Hilbijartin dê hevsengiyek siyasî li herêmê çêbike

PUKMEDIA

Civînên YNK bi Gel re

Berpirsê Encumena Parastina Berjewendiyên Bilind ên Yekîtiya Niştimanî ya Kurdistanê (YNK) Şêx Cefer Şêx Mistefa dibêje: “Hilbijartinên parlamentoya Kurdistanê ji bo ezmûna herêmê bi giştî û YNK’ê girîng e û hevsengiya siyasî li herêmê ji bo xizmeta gel wê were vegerandin.

Ev daxuyanî di civînekê de li gel hejmarek mamostayên olî û kesayetiyên civakî yên bajarê Germiyanê, ku roja 10.08.2024ê bi amadebûna rêheval Mehmûd Sengawî û Salar Mehmûd berpirsê navenda Germiyan birêve çû.

Serokê Encumena Parastina Berjewendiyên Bilind, rola girîng a gelê Germiyanê di tevgera rizgarîxwaza gelê me û şoreşa nû de bi bîr xist, ku hertim roleke mezin û bibandor hebûye, bi taybetî di şerê li dijî zilm û zordariyê de.Ji ber vê yekê rejîma Baas bersiv da berxwedana gelê Germiyanê bi kuştina bi hezaran zarokên kedkar ên herêmê. Her wiha behsa berxwedana gelê Germiyanî li şerê dijî terorîstan kir.

Şêx Cafer dibêje: “YNKê bi rêya Hikûmeta Herêma Kurdistanê hewleke cidî daye ku xizmeta xelkê Germiyanê bike, lê heta niha nekariye weke pêwîst xizmeta malbatên şehîdan û enfalkiriyan bike. Ji ber wê jî erkê hikûmeta Herêma Kurdistanê ye di kabîneya dahatî de xizmetguzarî û geşbûna zêdetir bo herêmê bike.

Her wiha got: “Ev hilbijartin ji bo YNKê giringe û dikare hevsengiya siyasî li herêmê vegerîne û xizmeta xelkê bike û di nav de jî xelkê Germiyanê.

Serokê Encumena Parastina Berjewendiyên Bilind, balkişand li ser pêgeh û rola mamostayên olî ku di dirêjahiya dîroka hevdem a Kurd de roleke avaker lîstine û hêvî kir ku bi heman ruhî ji bo yekitiya gelê Kurd, têkoşîna li dijî tundrewiyê û piştgiriya lihevkirina civakî bikin.

Piştre rêheval Mehmûd Sengawî gotarek pêşkêş kir û tê de têkoşîn û qurbanîdana gelê Germiyanê bilind nirxand û işaret bi çend mijarên xizmetguzarî û bexteweriya herêmê kir.

PUKMEDIA