Fehmî Burhan: Li Kerkûkê xiyanet li kurd hat kirin lê ew xiyanetê nakin

PUKMEDIA

Serokê desteya giştî yê navçeyên kurdistanî li dervayî rêveberiya Herêmê Fehmî Burhan

Serokê desteya giştî yê navçeyên kurdistanî li dervayî rêveberiya Herêmê ragihand: Hebûna parêzgarê kurd li Kerkûkê ku ji aliyê xelkê bajêr ve bê hilbijartin, pirseke giringe û wek neteweya kurd ku bi dengên pêkhateyên bajêr ev erk girtiye ser milê xwe û dibêje: Di nava 7 salên borî de li Kerkûkê gelek pirsgirêk derketin, xiyanet li Kurdan hat kirin, erka serkirdeyetiya kurdistanî ye ku wek erkek niştimanî madeya 140 ya destûrê cîbecî bike.

Li jêr naveroka hevpeyvînê ye:

* Piştî 7 salan, bi dengên nûnerên kurd, ereb û mesîhiyan parêzgarekî kurd ji bo Kerkûkê tê hilbijartin ji bo nasnameya parêzgehê çiqasî ev gav girîng e?

Hebûna parêzgarekî li Kerkûkê ku ji aliyê pêkhateyên parêzgehê ve hatiye hilbijartin tiştekî girîng e, di heyama 7 salên borî de em weke Kurd rastî neheqiyeke mezin hatine ji ber wê hilbijartina parêzgarekî kurd bi dengên pêkhateyan qunaxeke nûh tê hesab, ez hêvî dikim ku xelk li pişt wî be ji bo bidestxistina daxwaz û armancên hemû xelkê Kerkûkê û vegerandina mafên wan ên ku di heft salên borî de hatine dizîn.

Xizmetkirina hemû xelkê Kerkûkê

* Kurd çawa dikarin bi nasnameya rastîn a Kerkûkê û rastiya niha ya li wir re rûbirû bibin?

Rewşa Kerkûk û navçeyên Kurdistanî yên li derveyî Herêmê di heyama heft salên borî de, hikûmeta herêmê ne beşek ji sîstema ewlekarî û rêvebirina wan deveran bû, ji ber wê jî pêwîste parêzgarê hilbijartî birêz Rêbwar Taha bi awayekî wekhev li hemû pêkhateyan binire, bi pêşkêşkirina xizmetguzariyan ji welatiyên Kerkûkê re bê cudahî, divê birayên me yên ji pêkhateyên din jî di warê rêvebirina parêzgehê de beşdar bin û ev hemû jî dibin sedema bihêzkirina nasnameya kurdî ya Kerkûkê.

Tevlîbûna hemû pêkhateyan di rêveberiya Kerkûkê de

* Divê Yekîtiya Niştimanî li Kerkûkê li ser çi stiratejiyê bimeşîne, bi taybetî ku Serok Bafil got: Divê Kerkûk were lihevkirin?

 - Berê postê parêzgarê Kerkûkê di destê kurdan de bû û xizmet bi giştî dihatin kirin, lê dibe ku ne di asta daxwazên hevwelatiyên parêzgehê de bin û dema serok Bafil dibêje; dibe Kerkûk were lihevkirin mebesta  wî avêtina gavên nû û destpêkirina qonaxeke cuda ji ya berê ye, dirêjkirina destê avakirin û xizmetguzariyê bo hemû deverên Kerkûkê, jinavbirina kêmasiyên berê, ji holê rakirina kêmasiyên ku berê hebûn ş xirtkirina biratiyê di navbera Yekîtiya Nîştimanî û Partiya Demokrat û herwiha di navbera hemû alî û pêkhateyan de, û beşdarkirina her kesî di rêveberiya parêzgehê de, û peyama Serok Bafil jî di berdewamiya siyaset û nêzîkatiya serok de û nehiştina ti pêkhateyan eşkere bû , û bi vî awayî Kerkûk dê bibe bajarê pêkvejiyanê.

PUKMEDIA