Serok Bafil ji Konsulê Amerîka re: Herêm bi hilbijartinan derbasî qonaxeke nû dibe

PUKMEDIA

Civîna serok Bafil ûSteve Bittner Konsulê Giştî yê nû yê Amerîkayê li Herêma Kurdistanê

Serokê Yekîtiya Niştimanî ya Kurdistanê Bafil Celal Talebanî li baregeha mekteba siyasî ya Hewlêrê pêşwaziya Steve Bittner Konsulê Giştî yê nû yê Amerîkayê li Herêma Kurdistanê kir.

Di dîdarê de ku Darbaz Kosret Resûl, Endamên Mekteba Siyasî, Rêwaz Fayeq, Berdevkê YNKê Seidî
 Ehmed Pîre û Konsulê berê yê Amerîkayê Mark Straw amade bûn, rewşa Herêma Kurdistanê, hilbijartin û sektora enerjiyê hate gotûbêjkirin û tekez li ser hemahengiya zêdetir di navbera her du aliyan de di çarçoveya parastina berjewendiyên bilind de kir

Di destpêka hevdîtinê de Serok Bafil Celal Talebanî pesna rola erênî ya Mark Straw ji bo karên wî yên berê li Herêma Kurdistanê da û pîrozbahiya destbikarbûna Steve Bitner kir û piştevaniya YNKê ji bo serxistina karê wî dûpat kir.

Li hevdîtinê de Serok Bafil amaje bi hilbijartinên parlamentoya Kurdistanê kir û got lidarxistina helbijartinên dadperwerane li gor dema diyarkirî dê Herêma Kurdistanê ber bi qonaxeke baştir ve bibe, pêwîste rewş bê guhertin û hilbijartin baştirîn bijarde ye ji bo derbasbûna ber bi rêveberiyeke saxlemtir. Em her hewlek ji bo paşxistina pêvajoyê red dikin û em naxwazin çarenûsa herêma me bikeve metirsiyê.

Sektora enerjiyê mijareke dinê vê hevdîtinê bû û Serok Bafil amaje bi wê yekê kir ku me nikariye wek pêwîst sûd ji jêrxaneya dewlemend a herêmê werbigrin û ji xelkê re bibe çavkaniya bexteweriyê ji ber vê yekê hewlên me ew e ku em mafên gelê xwe vegerînin û serweta netewî ji bo xizmetguzariya giştî bi kar bînin û herêma xwe ber bi geşbûnê ve araste bikin.

PUKMEDIA