Hatûçûna konsulê Emrîka li Hewlêr`ê bi binpêkirina azadiyê derbaz bû

Kurdistan 03:13 PM - 2024-08-15

Mark Straw Konsolê Berê yê Emrîka li Hewlêr`ê

 Mark Straw ku konsulê berê yê Emîrka bû li Hewlêr`ê û dawî li erkên wî hat û Steve Bittner dê cihê wî bigire, herdû dîplomatên Emrîkî serdana hejmarek berpirsên partî û hikûmetê li herêmê kirin ku Steve Bittner ji bo xwe nasandina erkê xwe yê nû bû û Mark Straw jî ji bo xatirxwestinê bûye.

Straw di hatin û çûnyînê de pirsgirêka azadiya rojnamevaniyê li herêmê bihîst

 

Straw di hatin û çûnyîna xwe de guh da pirsgirêka azadiya çapemeniyê li herêma Kurdistanê û xala hevbeş ya hatin û çûyîna Mark Straw ew e ku “nûçeya pirsgirêka azadiya rojnamevaniyê li herêma Kurdistanê dibihîse”,ku li nav axa herêmê nûçeya revandina 3 rojnamevanan li Duhok û Hewlêra ya paytext û xwenîşandana berfereh ji bo azadkirina rojnamevan ku êvareya roja 13/0/8/2024 an malbata wî bi hevbeşî digel hejmarek rojnamevan û çalakvanên sivîl yên Badînan`ê ku dixwestin salroja terorkirina wî bi bîr bînin, lê rê bi wan ne hat dayîn wê yekê bikin herweha hejmarek rojnamevan û çalakvan jî hatin desteserkirin.

Straw yê diplomatkar û ragihandkar peyamek bi riya malpera fermî yê konsulxaneya Emrîka li Hewlêr`ê belav kir û têde got: Di heyama sala bûrî de digel civaka sivîl bi hevbeşî me komîteyek pêk anî bû ji bo pêşxistina mafên jinan, rû bi rûbûna tûndûtîjiaya regezî, cihêrengbûna aborî, handan û bexşîna hizir û ramanan bi karsazên pêşerojê û pêşxistina azadiya ragihandinê.

Straw dibêje: Peywendiyên di navbera Emrîka û xelkê herêma Kurdistan`ê de vedigre beriya bi dehan salan ku ev yek bi riya bexşîna qurbaniyên hevbeş hatine pêk anîn û bi nirxên hevbeş jî hatine xurtkirin.

Mark Straw di çendîn rojname û heftenameyên wek rojnameya Fîladêlfiya wek nûçegîhan di salên 2000 – 2002 an de kar kiriye û ew xwedanê bekaloryos e di dîrok û zanistên siyasî de li kolêja Randolf Mako , her weha xwedanê bawernameya master e di warê rojnamegeriyê de li zanîngeha Kolombiya.


Roja 14/-08-2024 an li Hewlêr`ê, Qubad Talebanî cêgirê serok wezîrên heremê pesna karên Mark Straw kir û jê re got: Te roleke baş dîtiye di warên mafên mirovan û azadiya derbirînê û hevkarîkirina rêxistinên civaka sivîl yên li Kurdistan`ê.

Qubad Talebanî û Mark Straw: Herêm ji aliyê azadiya raderbirîn û rojnamegeriyê ve paş ketiye

Di yekemîn hevdîtina diplomasî ya Qubad Talebanî cêgirê serok wezîrên herêmê û Mark Straw ku wek konsulê nû yê Emrîka dest bi kar kiribû de behsa azadiya rojnamevaniyê hatibû kirin û her dû aliyan teqez kiribûn ku çênabe herêm ji aliyê azadiya raderbirînê ve û di warê rojnamegeriyê de paşve biçe, belku pêwîste peywendiyeke tendirust û pîşeyîtir di navbera deshelata siaysî û mîdyayî de hebe û ew bê pêşxistin.

Straw:Em hêviya hilbijartineke azad û dadperwerane dikin

Straw di peyama xwe ya malavayî de nivîsye: Em bi kêfxweşî li karên pêkeveyî yên ji bo baştirkirine jîngeha herêma Kurdistanê ya ji bo civaka sivîl û karên mîdyayî dinêrin , û çavên me li encamdana hilbijartineke azad û dadperwer û giştgîr e; ku ji mêj ve tê çavrêkirin roja 20`ê Cotmega îsal bi rêve biçe.

Straw supasiya xelkê herêma Kurdistan`ê dike

 

Di peyama xwe de Straw dibêje: Me bi hevre pêşketin di warên çaksaziya hêzên Pêşmerge de bi dest xistine ku ew erekê serekî ye ji bo dabînkirina asayîşa mayînde ji bo herêma Kurdistan`ê her weha ew alîyekî bingehîn yê hevkarîya ewlekariyê ya demdirêj e di navbera Êraq û herêma Kurdistan`ê de got jî: Ez supasiya xelkê herêma Kurdistan`ê dikim ji bo mêvandariya wan ya teybet û hevbeşkirina çandên dewlemend û dibêje jî:Xizmetkirina min li vir wek konsulê giştî yê konsolxaneya Emerîka ji bo min şanazî û imtîyazek mezin bûye.

Niha Steav Bîtner konsulê giştî yê Emrîka li Hewlêr`ê ye ku di sala 2003- 20024 an de şîretkarê siyasî yê deshelata dema hevpeymania (CPA) bû li bajarên Rûmadî û Hile yên Êraq`ê; û di salên 2003 – 2004 an de jî, di karên diplomasî de li balyozxaneya welatê xwe li bakjarên Esîna û Qudus`ê kar kiribû, her weha çendîn erkên wî yên din jî hebûn di nav sekertariyeta cî bi cî kar yê wezareta derve de li Waşinton`ê; û ji bilî zimanê Ingilîzî, zimanên  Erebî, Polonî û Holendî jî dizane.

PUKMEDIA