18 sal bi ser teqîna baregeha malbenda YNKê ya Nînowa re derbas bûn

PUKMEDIA

Baregeha Serekî ya Nînowayê

Piştî 18 salan ji teqîna baregeha malbenda  parêzgeha Nînowa, serokê malbenda YNK ya  parêzgeha Nînowa peyamek belav dike û dibêje: “Di vê helkefta xemgîn de, em bejna xwe li ber ruhê qurbaniyên vê karesatê û hemû şehîdên rêya rizgariya gelê xwe ditewînin. YNK’ê her tim bi xwîna xwe ax, netewe û welatê xwe parastiye û ji bo wê bi hezaran şehîd dane.’’

Aras Mihemed Axa endamê serkirdayetiyê û berpirsê malbenda  heftemîn a Nînowa bi boneya 18emîn salvegera teqîna li baregeha malbenda  parêzgeha Nînowa peyamek belav kir û got:’’ “Bêguman YNK her tim bi xwîna xwe ax, netewe û welatê xwe parastiye û ji bo wê bi hezaran şehîd dane.Em serî li ber hemû şehîdên tevgera azadiya gelê xwe ditewînin û ji wan re dibêjin ku têkoşîn didome û em soz didin wan ku em ê dest ji rêya we bernedin.”

Piştî şerê li dijî DAIŞê û azadkirina bajarê Nînowa weke yekem partiya siyasî ya Kurdî me karîn baregehên xwe paşve vegerînin û kar û barên xwe yên rojane bi mebesta xizmetkirina hevwelatiyên wî bajarî bikin. YNK xwe xizmetkarê hemû pêkhateyên Nînowayê dibîne, ku ev yek jî di hilbijatinên dawî yên encûmena parêzgeha Neynewayê de li ser civakan diyar bû. Aras Mihemed Axa dibêje, her du namzedên  YNK ku ji civaka êzîdî û kakayî bi ser ketine, wek Serok Mam Celal giringiyeke taybet daye hemû pêkhateyên deşta Nînowayê, lewma niha YNK bi serokatiya Bafil Celal Talebanî dê bê cudahî li Nînowa xizmetê berdewam dike.

Roja 15-8-2006 terorîstên El-Qaîde êrîşî baregeha malbenda  Neynewayê li taxa Temîmî ya Mûsilê kirin. Di encama êrîşê de 106 rêheval, kadro, pêşmerge û sivîl bi giranî birîndar bûn û 13 jî şehîd bûn, ji bilî wê jî ziyaneke mezin gihîşt malbenda Mosûlê.

PUKMEDIA