Bexdadê kêmtirîn rêjeya mûçe ji herêmê re şand

PUKMEDIA

Dînarên Êraqî

Îro Duşemê 19/8/2024ê Wezareta Darayî ya Federal yekem beşê mûçeyên Herêma Kurdistanê şand.

Çavkaniyên medyayî ji Wezareta Darayî ya Federalî ragihandin ku milyarek û 426 milyon û 915 hezar û 165 dînar ji bo hesabê taybet yê Wezareta Darayî ya Herêma Kurdistanê, li beşa Banka Navendî ya Êraqê li bajarê Hewlêrê hatiye şandin.

Çavkaniyên han eşkere kirin ku ev pereyê navborî mafê karmendên dîwana çavdêriya darayî, desteya pqijiyê û desteya Jîngehê li Hikûmeta Herêma Kurdistanê ye.
Ev yek di demekê de ye ku hikûmeta federal zêdetir ji 991 milyar dînar ji bo mûçeyên meha Hezîranê ji herêmê re şandiye, wate %0.1 ji mûçe ye.

Ev 42 roj in ku mûçeyên meha Hezîranê li Herêma Kurdistanê tên dabeşkirin, herwiha Wezareta Darayî ya Hikûmeta Herêmê jî berî nêzîkî mehekê lîsteyên mûçeyên meha Tîrmehê ji Bexdayê re şandibû.

PUKMEDIA